Finalizado o prazo fixado na Resolución do 16 de novembro de 1999 (DOG nº 227, do 24 de novembro) polo que se fan públicas as listas provisionais para a cobertura con carácter temporal de postos de traballo correspondentes ás categorías 65 e 14 do grupo III e vistas as alegacións feitas polos interesados da categoría 65 (oficial 1ª cociña e outros)

(lista B), na sesión do día 23 de decembro de 1999 esta comisión

ACORDA:

Primeiro.-Facer público o anexo a este acordo coa relación de aspirantes que foron excluídos nas listas provisionais, do grupo III categoría 65 (oficial 1ª cociña e outros) (lista B), e que emendaron a causa de exclusión en tempo e forma.

Segundo.-Os solicitantes relacionados estarán obrigados, no prazo de 10 días hábiles contados a partir do día seguinte á publicación deste anuncio no Diario Oficial de Galicia, a remitir á Dirección Xeral da Función Pública o xustificante do aboamento das taxas que a continuación se expresa.

-Grupo III: 7.515 ptas.

Os que así non o fixeran no prazo indicado serán excluídos automaticamente das listas.

Estarán exentos do aboamento de taxas por dereito de inscrición os que foron admitidos no último proceso selectivo para o acceso á mesma categoría, de acordo coa base terceira da resolución da Dirección Xeral da Función Pública, do 30 de xuño de 1999, e corrección de erros do 13 de outubro de 1999.

Os interesados disporán dun prazo de dez días hábiles contados a partir do día seguinte á publicación deste anuncio para a emenda de erros que puidesen existir na puntuación relacionada no anexo ou formula-las alegacións que consideren oportunas dirixidas á comisión permanente de selección de persoal laboral (Dirección Xeral da Función Pública).

Santiago de Compostela, 25 de xaneiro de 2000.

Ramón del Valle López

Presidente da Comisión Permanente de Selección

de Persoal Laboral

ANEXO