Publicada a Resolución do día 3 de decembro de 1999 (DOG nº 242, do 17 de decembro) relativo a publicación das listas para a cobertura con carácter temporal de postos de traballo reservados a persoal laboral reguladas no Decreto 89/1997, do 10 de abril, e correspondente á categoría 3 do grupo IV (auxiliar de clínica e outros) e unha vez finalizdos os prazos previstos nos puntos terceiro e cuarto do citado acordo e elaboradas as listas definitivas pola comisión permanente de selección para a cobertura de postos de traballo reservados a persoal laboral, na sesión que tivo lugar o día 20 de xaneiro de 2000, a Dirección Xeral da Función Pública
RESOLVE:
Primeiro.-Face públicas as listas definitivas para a cobertura con carácter temporal de postos de traballo reservados a persoal laboral da categoría 3 do grupo IV (Lista A) da forma que a continuación se indica:
Anexo I. Figuran os solicitantes incluídos na lista.
Anexo II. Figuran os solicitantes excluídos coa expresión da causa de exclusión.
Segundo.-Os citado anexos atópanse expostos nas seguintes dependencias:
-Dirección Xeral da Función Pública da Consellería da Presidencia e Administración Pública.
-Servicio de Información e Atención ó Cidadán da Consellería da Presidencia e Admininstración Pública.
-Delegacións provinciais da Consellería da Presidencia e Administración Pública.
-Oficinas comarcais da Consllería da Presidencia e Administración Pública.
Terceiro.-No anexo I, ó que se refire o punto segundo desta resolución, figuran os solicitantes incluídos na lista da citada categoría.
Cuarto.-En todo caso, terán que acreditar no momento no que acepten o posto de traballo que se lles oferte a documentación precisa, tal e como
se dispón na base 4ª da resolución da Dirección Xeral da Función Pública do 30 de xuño de 1999.
Quinto.-Contra esta resolución os interesados poderán interpoñer recurso de alzada perante o conselleiro da Presidencia e Administración Pública no prazo dun mes contado desde o día seguinte ó da publicación desta resolución no DOG, de acordo co artigo 114 da lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 21 de xaneiro de 2000.
Joaquín López-Rúa Soler
Director xeral da Función Pública