De conformidade coa proposta elevada pola comisión designada para xulga-lo concurso convocado por resolución desta universidade do 8 de febreiro de 1999 (BOE do 13 de marzo), para a provisión da praza número 99/005 de profesor titular de universidade da área de coñecemento de biloxía animal, departamento de Bioloxía Animal, Bioloxía Vexetal e Ecoloxía desta universidade, a favor de Luis José Fernández Rodríguez, e unha vez acreditados polo interesado os requisitos a que alude o artigo 5.2º do Real decreto 1888/1984, do 26 de setembro,
Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Luis José Fernández Rodríguez profesor titular de universidade da área de coñecemento de bioloxía animal, do departamento de Bioloxía Animal, Bioloxía Vexetal e Ecoloxía desta universidade.
A Coruña, 28 de decembro de 1999.
José Luis Meilán Gil
Rector da Universidade da Coruña