De conformidade coa proposta elevada pola comisión designada para xulga-lo concurso convocado por resolución desta universidade do 18 de decembro de 1998 (BOE do 30 de xaneiro de 1999), para a provisión da praza número 98/079, de catedrático de escola universitaria da área de coñecemento de didáctica das ciencias experimentais, departamento de Pedagoxía e Didáctica das Ciencias Experimentais desta universidade, a favor de María Cristina Martínez Losada, e unha vez acreditados pola interesada os requisitos ós que alude o punto 2º do artigo 5 do Real decreto 1888/1984, de 26 de setembro,

Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a María Cristina Martínez Losada catedrática de escola universitaria da área de coñecemento de didáctica das ciencias experimentais, do departamento de Pedagoxía e Didáctica das Ciencias Experimentais desta universidade.

A Coruña, 22 de decembro de 1999.

José Luis Meilán Gil

Rector da Universidade da Coruña