De conformidade coa proposta elevada pola comisión designada para xulga-lo concurso convocado por resolución desta universidade do 8 de febreiro de 1999 (BOE do 13 de marzo), para a provisión da praza número 99/003, de profesor titular de universidade da área de coñecemento de dereito do traballo e da Seguridade Social, do departamento de Dereito Público Especial desta universidade, a favor de Francisco Javier Gómez Abelleira, e unha vez acreditados polo interesado os requisitos ós que alude o número 2º do artigo 5 do Real decreto 1888/1984, do 26 de setembro.

Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Francisco Javier Gómez Abelleira profesor titular de universidade da área de coñecemento de dereito do traballo e da Seguridade Social, do departamento de Dereito Público Especial desta universidade.

A Coruña, 20 de decembro de 1999.

José Luis Meilán Gil

Rector da Universidade da Coruña