Visto o expediente incoado por Dolores Vicente Alcalde, no que solicita o cambio de dominio mortis-causa do viveiro flotante de cultivo de mexillón denominado Dovial, outorgado pola orde ministerial do 19-7-1973, situado na cuadrícula nº 95, do polígono A de Vilagarcía, rematando a concesión o 22-8-2003 e do que eran titulares Dolores Vicente Alcalde e Ramón Vicente Mosquera.
Tendo en conta o informado polo Servicio Técnico-Xurídico e de conformidade co sinalado no artigo 59.3º da Lei 6/1993, do 11 de maio, de pesca de Galicia e 10.1º do Decreto 406/1996, e considerando que ó expediente figuran unidos o certi
ficado de defunción, a certificación do Rexistro de derradeiras vontades, o testamento outorgado por Ramón Vicente Mosquera, a relación de bens e a documentación acreditativa do pagamento ou da presentación ó pagamento do imposto de sucesións e doazóns, esta consellería accedeu ó solicitado, declarando titulares da concesión administrativa e do viveiro do que se trata, nas mesmas condicións cás expresamente consignadas na orde ministerial de outorgamento, a favor de Dolores Vicente Alcalde (76.467.558); Mª Dolores Vicente Vicente (76.967.927) e Iván Vicente Vicente (52.937.298).
Os novos titulares subróganse no prazo, dereitos e obrigas dos anteriores, e quedan obrigados a observa-las disposicións en vigor sobre este particular.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante o conselleiro de Pesca, Marisqueo e Acuicultura, ou recurso contencioso-administrativo que se interporá no prazo de dous meses contados desde o día seguinte ó da súa notificación ou publicación ante a xurisdicción contencioso-administrativa, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común e o artigo 46.1º da Lei 29/1998, do 13 de xullo, da xurisdicción contencioso-administrativa.
Vigo, 29 de novembro de 1999.
P.D. (Orde 14-6-1999, DOG nº 120, do 24 de xuño)
Rosa Mª Quintana Carballo
Delegada territorial de Vigo
