Examinada a solicitude de inscrición no Rexistro de Entidades de Promoción do Camiño de Santiago, presentada pola Associação dos Amigos do Caminho de Santiago de Compostela do Estado do Río Grande do Sul (Acasargs), de data 30 de novembro de 1999.

Visto o Decreto 224/1994, do 2 de xuño, polo que se crea o referido rexistro.

Visto igualmente o informe da Xerencia de Promoción do Camiño de Santiago, emitido de acordo co artigo 3.

Considerando que a solicitude presentada cumpre as normas establecidas no decreto de referencia,

RESOLVO:

Que a Associação dos Amigos do Caminho de Santiago de Compostela do Estado do Río Grande do Sul (Acasargs) quede inscrita no Rexistro de Entidades de Promoción do Camiño de Santiago co número 112.

Santiago de Compostela, 3 de decembro de 1999.

Andrés González Murga

Secretario xeral da Consellería de Cultura,

Comunicación Social e Turismo