Para os efectos previstos na Lei 54/1997, do 27 de novembro e no artigo 9 do Decreto 2617/1966, sométese a información pública a petición de autorización da instalación eléctrica que se cita:
Solicitante: Unión Fenosa Distribución, S.A.
Domicilio social: Avda. de Arteixo, 171. A Coruña.
Denominación: subestación Meirama-ampliación módulo liña Sogama 220 kV.
Situación: Cerceda.
Características técnicas: ampliación da subestación eléctrica de Meirama, dotándoa dun novo módulo de liña de 220 kV, denominado Sogama, que inclúe os seguintes aparellos:
-Un interruptor automático tripolar de SF6 de 3.150 A.
-Dous seccionadores xiratorios tripolares para barras de 2.000 A.
-Un seccionador xiratorio tripolar con coitelas de P.A.T. 2.000 A.
-Tres transformadores de tensión e outros tres de intensidade.
-Tres pararraios autoválvulas.
-Sistema de control, proteccións e medida. Cerceda.
Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.
A Coruña, 18 de novembro de 1999.
Jesús Espada Martínez
Delegado provincial da Coruña