De conformidade coa proposta elevada pola comisión constituída para xulga-lo concurso convocado por resolución desta universidade do 22 de febreiro de 1999 (BOE do 19 de marzo), para a provisión da praza de profesor titular de universidade da área de coñecemento de xeografía física, do departamento de Xeografía da Universidade de Santiago de Compostela, a favor de Alberto Martí Ezpeleta e tendo en conta que o interesado cumpre os requisitos ós que alude o punto 2º do artigo 5 do Real decreto 1888/1984, do 26 de setembro,
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Alberto Martí Ezpeleta, profesor titular de universidade da área de coñecemento de xeografía física, do departamento de Xeografía da Universidade de Santiago de Compostela.
Santiago de Compostela, 30 de novembro de 1999.
F. Darío Villanueva Prieto
Rector da Universidade de Santiago de Compostela