Por orde da Consellería de Educación e Ordenación Universitaria do 4 de xuño de 1999, se convocaron axudas económicas para centros docentes e centros de formación continuada do profesorado, que participen en programas da Unión Europea durante o ano 1999.
Vista a proposta da comisión de selección prevista no artigo quinto da citada orde,
RESOLVO:
Primeiro.-Conceder con cargo ó concepto orzamentario 07.04.322T.4814.0 da Dirección Xeral de Ordenación Educativa e Formación Profesional, as axudas que se relacionan no anexo I.
Segundo.-Denegar ou excluír, polas causas que se indican, as solicitudes que se relacionan no anexo II.
Terceiro.-De acordo co artigo sétimo as axudas serán aboadas da seguinte forma:
Para as axudas que non superen o importe de 1.000.000 de pesetas, no momento da concesión poderá acordarse un anticipo de pagamento de ata un 80%, logo de aceptación da subvención. O 20% restante librarase unha vez rematada a actividade e logo da súa completa xustificación económica por parte do centro e entrega da memoria de actividades, achegando certificación respecto da percepción ou non doutras axudas e subvencións para a mesma finalidade, para efectos do disposto no artigo 78.3º da Lei 11/1992, do 7 de outubro, de réxime financeiro e presupostario de Galicia. Nas axudas que superen esta cantidade, o pagamento realizarase integramente unha vez rematada e xustificada a actividade.
Cuarto.-Obrigas dos centros beneficiarios.
1. Acepta-la axuda concedida. Neste sentido, se no prazo de quince días, contados a partir da recepción da comunicación pola que se notifica a concesión da axuda, o centro beneficiario non acepta esta, entenderase que renuncia á súa percepción.
2. Facilita-la información requirida e someterse ás accións de comprobación ou control financeiro que poida efectua-la Consellería de Educación e Ordenación Universitaria e os organismos competentes.
3. Xustifica-lo correcto investimento das axudas recibidas, mediante a presentación da seguinte documentación:
3.1. Memoria.
Os centros beneficiarios enviarán unha memoria das actividades realizadas que inclúe:
a) Resume do desenvolvemento da actividade realizada.
b) Obxectivos acadados.
c) Procedemento de avaliación utilizado, resultados obtidos e difusión que se realizou dos mesmos.
3.2. Xustificación de gastos efectuados.
No caso de centros educativos, unha certificación do consello escolar do centro aprobatoria do gasto, xuntando unha relación detallada das facturas e recibos que servirán de xustificantes do proxecto realizado.
No caso de centros de formación continuada do profesorado, certificación do director/a aprobatoria do gasto, xuntando unha relación detallada das facturas e recibos que servirán de xustificantes do proxecto realizado.
Quinto.-Contra a presente resolución os interesados poderán interpoñer recurso potestativo de reposición no prazo dun mes, contado a partir do día seguinte ó da súa publicación no DOG, segundo o disposto na Lei 4/1999 (BOE do 14 de xaneiro), ou ben directamente o recurso contencioso-administrativo no prazo de dous meses ante o Tribunal Superior de Xustiza de Galicia.
Santiago de Compostela, 1 de decembro de 1999.
Celso Currás Fernández
Conselleiro de Educación e Ordenación
Universitaria
ANEXO I
CENTRO ESCOLAR PROVINCIA TÍTULO DO PROXECTO AXUDA
IES PORTA DA AUGA LUGO ALEN DA PORTA 266.217
IES PORTA DA AUGA LUGO INTERAUTO II 374.639
IES NUM.1- ORDES A CORUÑA PRÁCTICAS ESTUDIANTES EMPRESAS TÉXTILES 214.105
IES DE TEIS PONTEVEDRA SPA PLACEMENTS 138.100
IES DE TEIS PONTEVEDRA HAIRDRESSING AND BEAUTYTHERAPY IN EUROPE 602.650
IES AS FONTIÑAS A CORUÑA PLACEMENT IN EUROPEAN ENTEPRISES FOR SECRETARIES 1.554.484
IES LAMAS DE ABADE A CORUÑA EDUCATIONAL TRAINING IN U.E. 848.236
IES LUIS SEOANE PONTEVEDRA DIFUSION AND CONSOLIDATION OF FORMATIVE..... 403.985
IES DE CEDEIRA A CORUÑA AEOLUS(APROVEITAMENTO ENERXÉTICO RENOVABLE) 756.307
IES RIBEIRA DO LOURO PONTEVEDRA INTERNATIONAL BUSINESS IN EUROPE 225.223
IES RIBEIRA DO LOURO PONTEVEDRA STONEMASONRY SKILLS IN EUROPE 787.281
IES RIBEIRA DO LOURO PONTEVEDRA ARTS ET METIERS DE LA PIERRE EN EUROPE 336.006
C.FORMACION E RECURSOS. A CORUÑA A CORUÑA PRIMEIROS PASOS 3.395.296
IES MACIAS O NAMORADO A CORUÑA MEDEA 700.000
IES RIBEIRA DO LOURO PONTEVEDRA INCREASING THE MOBILITY OF YOUNG PEOPLE... 295.834
IES RIBEIRA DO LOURO PONTEVEDRA NEW BUSINESS TRAINING IN EUROPE 323.621
IES RIBEIRA DO LOURO PONTEVEDRA GRANITE WORKS IN THE INTERNATIONAL MARKETS 987.500
IES FRAGA DO EUME A CORUÑA ESTADÍAS PARA MOZOS TRABALLADORES 62.395
IES DE TEIS PONTEVEDRA SPA TREATMENTS AND COMPLEMENTARY TECHNIQUE 1.616.423
IES LUIS SEOANE PONTEVEDRA COOPERATION BETWEEN EDUCATIONAL INSTITUTIONS.. 631.934
IES LUIS SEOANE PONTEVEDRA LABORAL INSERTION OF PROFESSIONAL FORMATION... 190.844
IES RIBEIRA DO LOURO PONTEVEDRA ELABORATION OF A COMMON CURRICULA FOR STONE 394.667
C.FORMACION E RECURSOS. SANTIAGO A CORUÑA APRENDIZAXE AUTÓNOMA E O PAPEL DO PROFESOR 1.000.000
IES CABO ORTEGAL. CARIÑO A CORUÑA AEOLUS 337.763
TOTAL 16.443.510
ANEXO II
CENTRO ESCOLAR PROVINCIA TÍTULO DO PROXECTO EXCLUSIÓN
MOTIVO DA
CEIP CURROS ENRÍQUEZ OURENSE LINGUA C ARTIGO 2 DA ORDE
ESCUELA INF.LUIS SEOANE A CORUÑA O RAPAZ/A: AXENTE CONSERVADOR DO SEU MEDIO ARTIGO 2 DA ORDE
ESCOLA DE ARTES M.MATEO A CORUÑA STONEMASONRY SKILLS IN EUROPE ACTIVIDADE DO ANO 2000
IES RIBEIRA DO LOURO PONTEVEDRA INTERNATIONAL TRAINING IN EUROPE ACTIVIDADE DO ANO 2000
CEIP COIRON DENA PONTEVEDRA ALTERNATIVAS AMBIENTAIS DESDE A ESCOLA ARTIGO 2 DA ORDE