De conformidade coa proposta da comisión designada para xulga-lo concurso que convocou esta universidade por Resolución do 18 de decembro de 1998 (BOE do 30 de xaneiro de 1999), para a provisión da praza número 98/086 de profesor titular de escola universitaria da área de coñecemento de enfermería, departamento de Ciencias da Saúde II, a favor de Avelino Castro Pastor, e unha vez que o interesado acreditara os requisitos ós que alude o número 2º do artigo 5 do Real decreto 1888/1984, do 26 de setembro,

Este rectorado, no uso das atribucións que lle confire o artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Avelino Castro Pastor profesor titular de escola universitaria da área de coñecemento de enfermería, departamento de Ciencias da Saúde II desta universidade.

A Coruña, 1 de decembro de 1999.

José Luis Meilán Gil

Rector da Universidade da Coruña