O ente público Portos de Galicia, en cumprimento do disposto na Lei 27/1992, do 24 de novembro, de portos do Estado e da mariña mercante, modificada pola Lei 62/1997, do 26 de decembro, elaborou os plans de utilización dos espacios portuarios dos portos de Burela, Ribadeo e Viveiro-Celeiro.
Estes documentos sométense a información pública para as persoas ou entidades interesadas poderen presentar por escrito as reclamacións ou alegacións que consideren oportunas, para o que disporán dun prazo dun mes contado a partir da data da publicación deste anuncio.
As devanditas reclamacións poderán presentarse nas oficinas centrais deste ente público, situadas na praza de Europa, 5 A-6º polígono das Fontiñas, Santiago de Compostela, ou ben nas oficinas de Portos de Galicia, Zona Norte, r/ Nicomedes Pastor Díaz, nº 13-1º, en Lugo. En ámbalas dúas direccións poderán examina-los documentos correspondentes.
Santiago de Compostela, 9 de decembro de 1999.
Manuel García Blanco
Xefe da Área de Planificación e Explotación