De conformidade co disposto no título IX da Lei 54/1997, do 27 de novembro, do sector eléctrico (BOE do 28 de novembro), e decretos 2617 e

2619/1966, do 20 de outubro, sobre instalacións eléctricas (BOE do 24 de outubro), de aplicación transitoria, incóase o expediente e sométese á información pública a solicitude de Unión Fenosa Distribución, S.A. con enderezo na Avda. de Arteixo, 171, da Coruña, como entidade beneficiaria, para a autorización administrativa; a declaración de utilidade pública, que levará implícita a urxente ocupación, para os efectos de expropiación forzosa e imposición de servidumes de paso sobre os bens e dereitos que se afecten; e a aprobación do proxecto de execución das instalacións de:

A liña eléctrica aérea de media tensión a 15/20 kV, sobre apoios de formigón e con conductor LA-56, de 1.868 m de lonxitude, coa orixe no apoio nº 20 da liña que alimenta o C.T. Santa Cecilia e final no C.T. de Uxes, existente. Liña eléctrica subterránea de media tensión a 15/20 kV, baixo tubo e con conductor R.H.V. 12/20 kV, de 3(1x95) mm Al, con saída e entrada no apoio nº 12 da liña arriba citada, de 60 m de lonxitude despois de alimenta-lo C.T. Uxes II, que se vai instalar. Centro de transformación en caseta prefabricada, de 160 kVA e tensións de 15/20 0,380-0,220 kV, denominado Uxes II, do que parte unha rede de baixa tensión subterránea en conductor R.V., de 35 m de lonxitude, seguido de tramo aéreo, sobre apoios de formigón e conductor R.Z., de 130 m de lonxitude. Coa finalidade de mellora-la seguridade e calidade da subministración da zona de Uxes. No termo municipal de Arteixo. (Expediente 283/1999).

O que se fai público para coñecemento xeral en especial dos propietarios e demais titulares afectados dos que se insire relación no anexo desta resolución, así como ás persoas que sexan titulares de dereitos reais ou intereses económicos sobre os bens afectados que fosen omitidos, para que poidan examina-lo expediente no que constan as características e afeccións derivadas do proxecto nesta Delegación Provincial, situdada no edificio administrativo Monelos s/n, 15701 A Coruña, e presenta-las alegacións oporutnas no prazo de 30 días, contados desde o seguinte á ultima publicación desta resolución.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, de resultaren os titulares dos predios propostos como descoñecidos ou cando se ignore o lugar de notificación, e así dirixirlle ó Ministerio Fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.

A Coruña, 15 de novembro de 1999.

Jesús Espada Martínez

Delegado provincial da Coruña

Relación de propietarios, bens e dereitos afectados

Expediente: 283/99 Provincia: A Coruña.

L.M.T. C.T. R.B.T. UxesTermo municipal: Arteixo.

SoloVoo

NºLugarCultivoNome e apelidosEnderezonº apoiommlm