Eu, Pilar Cancela Ramírez de Arellano, secretaria xudicial do Xulgado do Contencioso-Administrativo número 1 da Coruña, fai saber que, en virtude de dilixencia de ordenación desta data, recaída nos autos de procedemento abreviado nº 975/1999-4, se lle notifica a José Figueiras Garrido o auto dictado nestes, cun encabezamento e parte dispositiva que son como segue:
«Auto. Na Coruña, 12 de novembro de 1999.
Antecedentes de feito.
1. Promoveu estas actuacións, constitutivas de autos número 95/1999-4 do Xulgado do Contencioso-Administrativo número 1 desta capital, José Figueiras Garrido, en calidade de parte recorrente, contra a Resolución precedente con data do 24 de marzo de 1999, dictada polo director xeral de Traballo da Consellería de Emprego e Asuntos Sociais do Goberno de Canarias e que agora consta, desde logo, referenciada nos autos.
2. Dictouse, xa que logo, aquel precedente proveído que agora consta nas ditas actuacións e outorgóuselle aquel ulterior e correspondente prazo emendatorio por termo de dez días, para o efecto legalmente establecido e, baixo expresa advertencia, en caso de persistir aquela referida omisión unha vez
excedido este, de arquivo por caducidade desta vía xurisdiccional contencioso-administrativa noutrora promovida para o efecto.
3. Conta pois, agora, en autos oportuna dilixencia expedida polo titular da secretaría deste xulgado, pola que se acredita o transcurso daquel referido prazo anteriormente aludido sen que aquela parte promovente emendase a omisión antes referenciada.
Acórdase: declara-la caducidade daquel referido recurso xurisdiccional contencioso-administrativo noutrora promovido pola parte recorrente antes aludida.
Notifíqueselles esta resolución ás correspondentes partes comparecidas e signifíqueselle-lo dereito que as asiste de interpor eventual recurso de apelación no prazo de quince días (15), contados a partir do día seguinte ó da súa correspondente notificación, ante este mesmo órgano xurisdiccional unipersoal contencioso-administrativo aquí radicado e para ante a Sala do Contencioso-Administrativo do TSX de Galicia, igualmente residenciado nesta capital.
Mándao e asínao o maxistrado xuiz titular do Xulgado do Contencioso-Administrativo número 1 da Coruña, Jose Manuel Ramírez Sineiro».
E para que lle sirva de notificación ó recorrente José Figueiras Garrido, que se atopa en paradoiro descoñecido, expido este edicto para a súa inserción no Diario Oficial de Galicia.
Na Coruña, 24 de novembro de 1999.
Pilar Cancela Ramírez de Arellano
Secretaria