Visto o expediente de cambio de dominio que a continuación se menciona, instruído para efectos de transmisión da concesión administrativa pertinente e do establecemento que a ampara; tendo en conta que os interesados obtiveron a autorización previa prevista no artigo 59 da Lei 6/1993, do 11 de maio, de pesca de Galicia (DOG nº 101, do 31 de maio) e o artigo 10 do Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG nº 228, do 21-11-1996) e que foi acreditada a transmisión de dereitos e aboados os impostos correspondentes.

Esta consellería, en virtude das atribucións conferidas, á vista do informe favorable do Servicio Técnico-Xurídico, acordou acceder ó solicitado, proclamando a nova titularidade da concesión e establecemento que se relaciona a continuación:

Nome da batea: San Martín II.

Cultivo: mexillón (M. galloprovincialis).

Localización: cuadrícula nº 183 Vilagarcía B.

Data da concesión: 5-3-1955.

Data do remate da última prórroga: 17-3-2005.

Anterior concesionario: Rodríguez Padín, Alfredo (35.329.661).

Novos titulares da concesión: Castro Mosquera, Carlos (78.784.387) e Piñeiro Romero, Manuela (78.784.314).

Os novos concesionarios quedan subrogados nos mesmos dereitos e obrigas do anterior concesionario, así como obrigados ó cumprimento das disposicións legais vixentes que lles sexan aplicables e de categoría suficiente.

Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante o conselleiro de Pesca, Marisqueo e Acuicultura ou recurso contencioso-administrativo, que se interporá no prazo de dous meses contados desde o día seguinte ó da súa notificación ou publicación ante a xurisdicción contencioso-administrativa, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común e o artigo 46.1º

da Lei 29/1998, do 13 de xullo, da xurisdicción contencioso-administrativa.

Vigo, 3 de novembro de 1999.

P.D. (Orde 14-6-1999, DOG nº 120 24 de xuño)

Rosa Mª Quintana Carballo

Delegada territorial de Vigo