Para os efectos previstos na Lei 54/1997, do 27 de novembro, e no artigo 9 do Decreto 2617/1966, sométese a información pública a petición de autorización da instalación eléctrica que se describe:
Solicitante: Barras Eléctricas Galaico-Asturianas, S.A. (BEGASA).
Domicilio social: r/ Cidade de Viveiro, nº 4, 27002 Lugo.
Denominación: reelectrificación das Rabiñas e Vilaverde (Ourol).
Situación: Ourol.
Descricións técnicas: liña de media tensión a 20 kV en conductor LA-56 de 2.194 metros de lonxitude a Vilaverde. Liña de media tensión a 20 kV en conductor LA-56 de 341 metros de lonxitude ás Rabiñas. Dous centros de transformación de 50 kVA e relación 20.000/380-220 V. Redes de baixa tensión de 1.371 metros de lonxitude en conductor R.Z.
Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.
Lugo, 25 de outubro de 1999.
Jesús Bendaña Suárez
Delegado provincial de Lugo