Galego | Castellano

DOG - Xunta de Galicia -

Diario Oficial de Galicia
DOG Núm. 233 Xoves, 02 de decembro de 1999 Páx. 14.238

VI. ANUNCIOS

DA ADMINISTRACIÓN AUTONÓMICA

SERVICIO GALEGO DE SAÚDE

RESOLUCIÓN do 2 de novembro de 1999, da Xerencia do Hospital da Costa de Burela, pola que se anuncia a contratación, mediante gasto anticipado, polo sistema de concurso público e procedemento aberto, da subministración sucesiva de productos alimenticios, de limpeza e outros consumibles con destino ó servicio de cociña.

A Dirección de Xerencia do Hospital da Costa de Burela, en virtude das atribucións que lle foron delegadas conforme o establecido no artigo 7 da Orde do 21 de abril de 1998 (DOG nº 88, do 11 de maio), convoca expediente de contratación de gasto anticipado, polo sistema de concurso público e procedemento aberto:

* C.P. 12/99, dividido en 12 lotes:

Lote 1. Froitas e verduras.

Lote 2. Leite, derivados e outros.

Lote 3. Café e infusións.

Lote 4. Pan e fariña.

Lote 5. Xamón cocido e touciño veado.

Lote 6. Ovos.

Lote 7. Alimentación xeral.

Lote 8. Conxelados.

Lote 9. Carnes de vitela e cocho.

Lote 10. Polo.

Lote 11. Auga.

Lote 12. Tecnoquímicos e productos de limpeza.

Orzamento total: 22.439.540 ptas. (vintedous millóns catrocentas trinta e nove mil cincocentas corenta pesetas) 134.864,352 euros.

Prazo de execución: desde a sinatura do contrato ata o 31-12-2000 con posibilidade de prórroga por anos naturais.

Documentos de interese para os licitadores: o prego de cláusulas administrativas particulares e demais documentación complementaria poden ser solicitados no Servicio de Subministracións do Hospital da Costa, teléfono 982 58 99 56 e fax 982 58 99 86, durante o prazo de admisión de proposicións.

Admisión de variantes: consideraranse as proposicións que, respectando o obxecto do contrato e o orzamento máximo autorizado, incorporen para a prestación da subministración solucións alternativas ás definidas nas prescricións técnicas.

Solvencia económica e financeira: acreditarase por algún de entre os documentos sinalados no anexo I do prego.

Solvencia técnica: acreditarase por algún de entre os documentos sinalados no anexo II do prego.

Criterios de adxudicación:

-Relación calidade/prezo: ata 50 puntos.

-Tempo de resposta á petición: ata 30 puntos.

-Envasado e presentación: ata 20 puntos.

Fianzas: deberá consignarse unha fianza provisional do 2% do orzamento de licitación do lote ou lotes ós que se presente.

A dita fianza constituirase segundo o disposto no artigo 36 da Lei 13/1995, do 18 de maio, de contratos das administracións públicas.

Clasificación: non se esixe.

Presentación das proposicións: as proposicións deberán presentarse en man, en sobres cerrados e asinados polo licitador ou persoa que o represente, no Rexistro do Hospital da Costa de Burela antes das 14 horas do vixésimo sexto día natural contado a partir do seguinte ó da publicación no DOG. Cando a proposición se envía por correo, o licitador deberá xustifica-la data de imposición do envío na oficina de correos e anunciarlle ó Hospital da Costa a remisión da oferta mediante télex ou telegrama no mesmo día.

Apertura de proposicións: a apertura de proposicións admitidas será realizada pola mesa de contratación, reunida en acto público na sala de xuntas

do Hospital da Costa ás 11 horas do décimo primeiro día natural contado a partir do seguinte a aquel en que finalice o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o día hábil seguinte.

Documentación que deberán achega-los licitadores: os documentos sinalados no prego de cláusulas administrativas particulares.

Anuncios: o pagamento dos anuncios deste concurso público será por conta dos adxudicatarios do contrato.

Burela, 2 de novembro de 1999.

Jesús Santiago Ares Martínez

Director xerente do Hospital da Costa de Burela