Ó abeiro do disposto na base 4.2 e 5 da Resolución do 27 de xullo de 1999, do Centro Informático de Xestión Tributaria, Económico-Financeira e Contable, pola que se convocan probas selectivas para o ingreso no cadro de persoal laboral fixo de programadores, anúnciase que o director xeral deste centro dictou Resolución do 15 de novembro de 1999, pola que declara aprobada a lista definitiva de admitidos e excluídos de analistas programadores e se nomea o tribunal cualificador das probas.
As ditas listas e a composición do tribunal están expostas no taboleiro de anuncios do citado centro, podendo ser consultadas, así mesmo, no seguinte enderezo de Internet http:/ www.cixtec.es.
Así mesmo, infórmase de que a realización do primeiro exercicio terá lugar o día 4 de decembro, ás 17 horas, na Facultade de Económicas da Universidade de Santiago de Compostela sita no campus norte (aula A). O chamamento iniciarase ás 16.30 horas.
Santiago de Compostela, 16 de novembro de 1999.
Gonzalo Gómez Montaña
Director xeral do Cixtec