Convocada a provisión, polo sistema de libre designación, de dous postos de traballo vacantes na Consellería de Economía e Facenda, por Orde do 30 de setembro de 1999 (Diario Oficial de Galicia nº 197, do 11 de outubro), en uso das facultades e atribucións conferidas pola Lei 4/1988, do 26 de maio, da función pública de Galicia, no seu artigo 15.4º e de conformidade co disposto no artigo 27 da referida lei, modificado polo artigo 6 da Lei 3/1995, do 10 de abril; visto o Decreto 93/1991, do 20 de marzo, e demais normativa vixente, esta consellería
DISPÓN:
Primeiro.-Designa-los funcionarios que se citan no anexo desta orde para ocupa-los postos que así mesmo se sinalan.
Segundo.-O cesamento nos actuais destinos efectuarase segundo o previsto no artigo 14 do Decreto 93/1991, do 20 de marzo, no prazo de tres días
a partir do seguinte ó da publicación desta orde no Diario Oficial de Galicia. A toma de posesión deberá facerse no prazo de tres días a partir do día seguinte ó do cesamento, ou no prazo dun mes, segundo proceda, de conformidade co disposto no referido artigo.
Terceiro.-A xefatura de persoal do centro onde causen alta os funcionarios efectuará, dentro dos prazos sinalados anteriormente, as dilixencias de toma de posesión e seguidamente serán realizados os trámites para a súa alta en nómina.
Das dilixencias efectuadas serán remitidas copias á Dirección Xeral da Función Pública e á Inspección Xeral de Servicios.
Cuarto.-Contra esta orde, que esgota a vía administrativa, os interesados/as poderán interpoñer, potestativamente, recurso de reposición ante este mesmo órgano no prazo dun mes, contado a partir do día seguinte ó da súa publicación no Diario Oficial de Galicia; de conformidade co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, ou directamente recurso contencioso-administrativo, no prazo de dous meses desde a mesma data, perante o Xulgado do Contencioso-Administrativo da circunscrición na que teña o seu domicilio o demandante ou ben no da Coruña, á súa elección, conforme os artigos 8, 14 e 46 da Lei 29/1998, do 13 de xullo, reguladora da xurisdicción contencioso-administrativa.
Santiago de Compostela, 11 de novembro de 1999.
P.D. (Orde 13-12-1993)
Emilio Álvarez Rey
Secretario xeral e do Patrimonio da Consellería de Economía e Facenda
ANEXO
-Apelidos e nome: Andión Hermida, Esteban.
NRP: 3332026013 A2083.
Grupo: A.
Denominación: xefe do Servicio de Estatística de Conxuntura.
Código do posto: EFA010000115770037.
Nivel: 28A.
Complemento E.: 1.703.640.
Centro directivo ou dependencia: Instituto Galego de Estatística.
Localidade: Santiago de Compostela.
-Apelidos e nome: Tarrío Tobar, Ángel Luis.
NRP: 3328627624 A2083.
Grupo: A.
Denominación: xefe do Servicio de Estatística. Consellería de Industria e Comercio.
Código do posto: EFA010000315770001.
Nivel: 28A.
Complemento E.: 1.703.640.
Centro directivo ou dependencia: Instituto Galego de Estatística.
Localidade: Santiago de Compostela.