Vista a proposta do director xeral de Promoción Cultural, en conformidade co establecido no artigo 10 da Orde do 21 de novembro de 1995 na que se desenvolve o Decreto 24/1995, do 20 de xaneiro, polo que se regulan os centros bibliotecarios fixos no referente á creación de bibliotecas municipais en colaboración coa Consellería de Cultura, Comunicación Social e Turismo e pola que se regula a integración na rede de bibliotecas de Galicia

RESOLVO:

Primeiro.-Intégranse na rede de bibliotecas de Galicia os centros bibliotecarios relacionados no anexo, comezando pola Axencia Municipal do Concello de Bergondo e rematando polo Bibliobús da Mancomunidade do Condado (Concello de Ponteareas).

Segundo.-A resolución favorable de integración estará condicionada á sinatura dun convenio onde se recolla a obriga por parte do centro bibliotecario de prestar un servicio público que deberá axustarse

ó estipulado na Orde do 21 de novembro de 1995 na que se desenvolve o Decreto 24/1995, do 20 de xaneiro que regula os centros bibliotecarios fixos, e que poderá responder nos restantes termos ás especiais características de cada tipo de centros.

Terceiro.-O prazo de sinatura deste convenio non deberá ser superior ós tres meses. De non cumprirse este prazo deixarase sen efecto a posible resolución favorable e suporá o arquivo definitivo da solicitude.

Cuarto.-O posterior incumprimento do devandito convenio poderá ser motivo de exclusión temporal ou definitiva do centro bibliotecario de que se trate da rede de bibliotecas de Galicia.

Santiago de Compostela, 30 de setembro de 1999.

Jesús Pérez Varela

Conselleiro de Cultura, Comunicación Social e Turismo

ANEXO

-Axencia Municipal de Lectura do Concello de Bergondo.-Biblioteca Pública Municipal do Concello de Brión.-Biblioteca Pública Municipal Xabier P. Docampo do Concello de Cambre.-Axencia Municipal de Lectura do Concello de Carnota.-Biblioteca Pública Municipal do Concello de Fisterra.-Biblioteca Municipal Federico García Lorca do Concello de Oleiros.-Biblioteca Municipal Xograr Mendiño do Concello de Oleiros.-Biblioteca Pública Municipal do Concello de Bóveda.-Axencia Municipal de Lectura do Concello de Ribas de Sil.-Biblioteca Pública Municipal do Concello dos Blancos.-Biblioteca Pública Municipal do Concello de Rodeiro.-Bibliobús da Mancomunidade do Condado (Concello de Ponteareas).