O sistema educativo está nun momento de transformación e cambio que se manifesta de maneira especial na formación profesional, e para responder ás necesidades de cualificación dos distintos sectores productivos da nosa economía é preciso unha permanente adaptación da oferta de ensinanzas.
A Consellería de Educación e Ordenación Universitaria, co ánimo de optimiza-los recursos existentes, considera que é necesario o traslado das ensinanzas de formación profesional da rama perruquería e estética, da especialidade de perruquería de Ferrol, do IES Roberto Vidal de la Torre ó IES Ricardo Carballo Calero.
Tendo en conta o informe da Dirección Xeral de Ordenación Educativa e Formación Profesional e por proposta da Dirección Xeral de Centros e Inspección Educativa, esta consellería
DISPÓN:
Autoriza-lo traslado das ensinanzas de formación profesional da rama perruquería e estética, da especialidade de perruquería, do IES Roberto Vidal de la Torre de Ferrol ó IES Ricardo Carballo Calero de Ferrol.
Disposicións derradeiras
Primeira.-Esta orde entrará en vigor o día seguinte ó da súa publicación no Diario Oficial de Galicia.
Segunda.-Autorízanse a Dirección Xeral de Centros e Inspección Educativa e a Dirección Xeral de Ordenación Educativa e Formación Profesional para dicta-las normas necesarias para a aplicación e desenvolvemento do establecido nesta orde.
Santiago de Compostela, 8 de outubro de 1999.
Celso Currás Fernández
Conselleiro de Educación e Ordenación
Universitaria