Por Orde do 14 de xullo de 1999 (DOG do 29), convócase concurso público para a realización de dous proxectos de investigación relativos ós centros de educación non universitaria.
As solicitudes admitidas para participar neste concurso foron estudiadas pola comisión de selección designada segundo o previsto no artigo 4 da citada Orde do 14 de xullo.
En consecuencia, atendendo a citada proposta, esta secretaría xeral
RESOLVE:
Primeiro.-Concederlles axudas para a realización de dous proxectos de investigación, ás persoas que se relacionan no anexo a esta resolución e na contía e anualidades que en cada caso se sinalan.
Segundo.-As axudas que se relacionan no anexo comprenderán a totalidade da axuda necesaria para a realización do correspondente proxecto de investigación, incrementada nun 10% destinado ós gastos institucionais que a súa execución supón ó organismo ó que pertence o investigador responsable.
Terceiro.-As subvencións de que se trata faranse efectivas mediante libramento único e por cada anualidade e a través da Universidade de Santiago de Compostela logo da presentación das correspondentes certificacións de gastos y de acordo coa normativa vixente.
Cuarto.-O incumprimento por parte dos beneficiarios de calquera das bases establecidas na orde de convocatoria do 14 de xullo de 1999 suporá a perda do dereito a percibi-la subvención correspondente.
Quinto.-Contra esta resolución poderase interpoñer recurso de alzada ante o conselleiro da Presidencia e Administración Pública no prazo dun mes contado a partir do día seguinte ó da data da súa publicación no DOG, de acordo co disposto nos artigos 114 e seguintes da Lei 4/1999, do 13 de xaneiro, que modifica a Lei 30/1992, de réxime xurídico das administracións públicas e do procedemento administrativo común. Sen embargo, os interesados poderán interpoñer calquera outro recurso que consideren oportuno.
Disposición derradeira
Esta resolución entrará en vigor o día seguinte ó da súa publicación no Diario Oficial de Galicia.
Santiago de Compostela, 5 de outubro de 1999.
Miguel A. Ríos Fernández
Secretario xeral de Investigación
e Desenvolvemento
ANEXO
Investigador principal: Rosa Mª Rivas Torres.
Organismo: Univ. Santiago de Compostela.
Cod. proyecto: PGIDT99EDU211.01.
Título proxecto: atención á diversidade nas dificultades da aprendizaxe.
Anos/cantidades en miles de ptas.
1999: 2.500.
2000: 1.900.
Total: 4.400.
Investigador principal: Antonio F. Rial Sánchez.
Organismo: Univ. Santiago de Compostela.
Cod. proxecto: PGIDT99EDU214.01.
Título proxecto: aspectos cualitativos da formación en alternancia.
Anos/cantidades en miles de ptas.
1999: 1.850.
2000: 1.450.
Total: 3.300.