O Instituto Galego de Medicina Técnica anuncia a convocatoria pública do seguinte posto vacante, de acordo coas seguintes bases:
Radiofísico hospitalario.
Titulación: título homologado de especialista en radiofísica hospitalaria. Valoraranse coñecementos en inglés.
Experiencia: valorarase experiencia en aceleradores lineais, planificación 3D, braquiterapia, simulación 3D, radiocirurxía, medicina nuclear, radiodiagnóstico e protección radiolóxica.
Procedemento de selección: valoración dos méritos (55%), probas psicotécnicas (15%) e entrevista persoal (30%).
Presentación de solicitudes:
Os interesados que cumpran os requisitos esixidos deberán remiti-lo seu currículum, indicando a referencia RF99 dirixido ó Instituto Galego de Medicina Técnica, praza Europa, 5A-6º B (15703 Santiago de Compostela), no prazo improrrogable de quince días naturais contados a partir do día seguinte da publicación do presente anuncio. Deberá presentarse copia compulsada, se é o caso, dos certificados de servicios prestados, dos diplomas acreditativos de cursos e do título mínimo esixido para cada convocatoria.
Inicio das probas:
As probas non se realizarán antes dun mes desde que se publique esta convocatoria, de acordo co disposto no artigo 4 da Lei 10/1996.
Íñigo Álvarez Canoa
Director xerente do Instituto Galego
de Medicina Técnica, S.A.