Galego | Castellano

DOG - Xunta de Galicia -

Diario Oficial de Galicia
DOG Núm. 197 Luns, 11 de outubro de 1999 Páx. 12.130

III. OUTRAS DISPOSICIÓNS

CONSELLERÍA DA PRESIDENCIA E ADMINISTRACIÓN PÚBLICA

ORDE do 29 de setembro de 1999 pola que se suprimen postos de traballo reservados a funcionarios/as de Administración local con habilitación de carácter nacional.

Vista a proposta do Concello de Ponteceso (A Coruña) relativa á supresión do posto de colaboración de secretaría adxunta da devandita corporación, reservado a funcionarios/as de Administración local con habilitación de carácter nacional.

Esta consellería, de conformidade co establecido no artigo 241 da Lei 5/1997, do 22 de xullo, de

Administración local de Galicia, co artigo 159.1º do Real decreto lexislativo 781/1986, do 18 de abril, e no artigo 2.g) do Real decreto 1732/1994, do 29 de xullo, e no uso das facultades conferidas polo artigo 13.2º 17 da Lei 4/1988, do 26 de maio, da función pública de Galicia,

DISPÓN:

A supresión do posto de colaboración de secretaría adxunta do Concello de Ponteceso, provincia da Coruña.

Contra esta orde, que pon fin á vía administrativa poderase interpoñer recurso potestativo de reposición, perante esta consellería, no prazo dun mes contado desde o día seguinte ó da súa publicación no Diario Oficial de Galicia, de conformidade co establecido na Lei 30/1992, do 26 de novembro, ou poderase impugnar directamente perante a Sala do Contencioso-Administrativo do Tribunal Superior de Xustiza de Galicia no prazo de dous meses contados desde a mesma data, segundo a Lei 29/1998, do 13 de xullo.

Santiago de Compostela, 29 de setembro de 1999.

Jaime Pita Varela

Conselleiro da Presidencia e Administración

Pública