1. Entidade adxudicadora: organismo autónomo local Pazo de Congresos e Exposicións, rúa Alexandre Bóveda, s/n, 36071 Pontevedra.

a) Órgano de contratación: Consello de Goberno.

b) Dependencia que tramita o expediente: Secretaría Xeral.

2. Obxecto do contrato.

a) Descrición do obxecto: xestión e explotación da cafetería e restaurante do organismo autónomo local Pazo de Congresos e Exposicións.

b) Duración da concesión: o contrato de xestión e explotación da cafetería e restaurante terá unha duración máxima de dez anos improrrogables, computados desde a formalización do contrato.

3. Tramitación, procedemento e forma de adxudicación.

a) Tramitación: ordinaria.

b) Procedemento: aberto.

c) Forma: concurso.

4. Canon: o canon anual mínimo para satisfacer polo concesionario fíxase en 1.800.000 ptas., que será aboado na Tesourería do concello por trimestres vencidos, dentro dos primeiros dez días do mes seguinte ó vencemento.

5. Garantías.

a) Provisional: 200.000 ptas.

b) Definitiva: 1.800.000 ptas.

6. Obtención de documentación e información.

a) Lugar: Pazo de Congresos e Exposicións, rúa Alexandre Bóveda, s/n. Pontevedra 36005. Teléfono: 986 83 30 61. Fax: 986 87 40 70.

b) Data límite de obtención de documentos e información: vinteseis (26) días naturais contados a partir do día seguinte ó da publicación deste anuncio no Diario Oficial de Galicia.

7. Presentación das ofertas.

a) Data límite de presentación: vinteseis días naturais contados a partir do día seguinte ó da publicación deste anuncio no Diario Oficial de Galicia.

b) Documentación que hai que presentar: cláusula 12ª do prego.

c) Lugar da presentación: rexistro xeral do Concello de Pontevedra, en horario das 9 ás 13 horas.

8. Apertura das ofertas: pola mesa de contratación o día seguinte hábil ó da terminación do prazo sinalado para a presentación das ofertas; se coincidise en sábado, a apertura realizarase o día seguinte hábil, ás 9 horas, na sala de xuntas do concello.

9. Criterios de selección: os criterios que servirán de base para a adxudicación serán os seguintes:

a) Maior canon anual ofertado polo licitador para aboar na Tesourería do organismo autónomo polo uso dos bens de dominio público, respecto ó establecido neste prego como canon mínimo. Valorarase ata un máximo do 25%.

b) Calidade e importe dos investimentos (materiais, mobiliario, decoración, menaxe, etc.) para realizar na cafetería e restaurante, conforme o especificado no anteproxecto. Valorarase ata un 40%.

c) Prezos ofertados polos servicios para prestar polos licitadores (tarifas de prezos). Valorarase ata un 10%.

d) Medios persoais adscritos ó servicio número e cualificación. Valorarase ata un 15%.

e) Reducción do prazo da concesión. Valorarase ata un 10%.

10. Gastos: serán por conta do adxudicatario os seguintes gastos:

1º) Os dos anuncios que xere o concurso e os seus actos preparatorios.

2º) Os tributos estatais, autonómicos e municipais que deriven do contrato, incluído o IVE.

3º) Os gastos que se xeren da explotación do local destinado á cafetería e ó restaurante e o imposto de actividades económicas.

4º) Tódolos gastos que xere a adaptación do local e, se é o caso, do contorno destinado a cafetería e restaurante.

5º) Os gastos de mantemento das zonas afectadas pola concesión.

Pontevedra, 15 de setembro de 1999.

Miguel Anxo Fernández Lores

Presidente

Julio Dapena Outomuro

Secretario xeral