Por resolución desta alcaldía, do 22 de setembro de 1999, quedou sen efecto a publicada no DOG nº 146, do 30 de xulllo, e no xornal El Ideal Gallego do 27 de xullo; dictouse coa mesma data a que a seguir se insire:
Solicitada pola xunta de compensación do Plan parcial de Cordeda 2ª fase, a expropiación dos terreos dos propietarios non incorporados en tempo e forma a ela, tendo a citada xunta a condición de beneficiaria e presentado simultaneamente o proxecto expropiatorio para a súa tramitación polo procedemento de taxación conxunta.
Vistos os informes da área de Urbanismo incorporados ó expediente.
De conformidade cos artigos 134.1º, parágrafo segundo e 145 da Lei do solo de Galicia.
RESOLVO:
1. Incoar expediente expropiatorio, polo procedemento de taxación conxunta, dos bens incluídos no ámbito do Plan parcial de Cordeda 2ª fase, dos propietarios non incorporados á xunta de compensación.
2. Aprobar inicialmente o proxecto expropiatorio presentado pola xunta de compensación cunha rectificación nas follas de aprecio correspondentes ó predio nº 3 nos que por erro no seu punto segundo se consigna un piso distinto ó ben obxecto de expropiación e indemnización co que deben corresponderse, e sometelo a información pública polo prazo dun mes, o que se anunciará no Diario Oficial de Galicia e nun dos diarios de maior circulación da provincia, co fin de que os que resultasen interesados formulen as observacións e reclamacións que consideren convenientes, en particular no que afecta á titularidade ou valoración dos seus respectivos dereitos.
3. Notificárlle-las taxacións contidas no proxecto de forma individual ós que aparecen como titulares de bens e dereitos, mediante traslado literal da correspondente folla de aprecio e da proposta de fixación dos criterios de valoración, contándose para eles o prazo de alegacións a partir da data de noti
ficación se esta fora posterior ás publicacións do anuncio de información pública.
4. Incorporar ó expediente as alegacións formuladas no prazo derivado de Resolución do 22 de xullo de 1999, deixada sen efecto.
Culleredo, 30 de setembro de 1999.
Julio Sacristán de Diego
Alcalde