A Comisión de Goberno, en sesión que tivo lugar o día dezanove de xullo de mil novecentos noventa e nove acordou prestar aprobación definitiva ó proxecto de urbanización dunha rúa de nova apertura, unión entre a rúa de Campolameiro e a rúa da Torre, formulado mediante iniciativa particular por Porta do Sol-Lérez, Sociedad Limitada, e redactado polo arquitecto Francisco Lorente Rivas, visado pola Delegación en Pontevedra do COAG con data do 5-6-1998 e anexo á memoria e planos de número 04, 05, 06 e 07, que reforman e anulan os correlativos del, con visado colexial do 24-9-1998, téndose que suxeitar a determinadas condicións.
O que se fai público para a súa executividade, salientando que contra este acto administrativo, que pon fin á vía administrativa, se poderá interpoñer ben o recurso potestativo de reposición perante o mesmo órgano dictou e no prazo dun mes contado desde o día seguinte ó da súa modificación, consonte co establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso-administrativo perante o Xulgado do Contencioso-Administrativo de Pontevedra no prazo de dous meses, contados a partir do día seguinte ó da súa notificación, conforme o disposto nos artigos 8.1º e 46.1º da Lei 29/1998, do 13 de xullo.
De se interpoñe-lo recurso potestativo de reposición, este deberá ser resolto e notificado no prazo dun mes segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º desa Lei 30/1992, podéndose entón interpoñer recurso contencioso-administrativo dentro do prazo de seis meses contados desde o día seguinte a aquel no que se deba entender presuntamente desestimado o recurso de reposición interposto, conforme o establecido no artigo 46.1º e 4º da Lei 29/1998.
Non obstante, tamén se poderá interpoñer calquera outro recurso que os interesados consideren procedentes consonte a dereito.
Pontevedra, 6 de setembro de 1999.
P.D.
Xosé Cesáreo Mosquera Lorenzo
Teniente-alcalde delegado da Área de Urbanismo
e Medio Ambiente
Julio Dapena Outomuro
Secretario xeral