Ó abeiro do establecido na disposición transitoria segunda da Lei 16/1987, do 30 de xullo, de ordenación dos transportes terrestres, e do Decreto 302/1988, do 3 de novembro, da Consellería de Ordenación do Territorio e Obras Públicas da Xunta de Galicia, iníciase expediente de substitución da concesión do servicio público regular permanente de uso xeral de transporte de viaxeiros por estrada que a continuación se indica: V-7040; XG-414, Vilalba-Lugo pola Feira do Monte e Castro de Ribeiras de Lea, con anexo, da titularidade da empresa Autos Lozano, S.L.
Os interesados ou afectados neste expediente poderán presentarse no procedemento e, tralo exame da documentación pertinente no Servicio Provincial de Transportes de Lugo (Edf. Adtivos. Ronda da Muralla, 70), efectua-las observacións que consideren oportunas no prazo dun mes contado a partir do día seguinte ó da publicación desta resolución no Diario Oficial de Galicia.
Santiago de Compostela, 7 de setembro de 1999.
Juan Carlos Villarino Tejada
Director xeral de Transportes