Demanda de financiamento axustada ós seguintes termos:
Modalidade: préstamo.
Importe: ata 72.150.000 euros (12.004.749.900 pesetas) cun mínimo de oferta de 2.000.000 de euros (332.772.000 pesetas) (nun ou varios tramos).
Período de disposición: ata 6 meses nunha ou varias disposicións.
Moeda: euros.
Modalidades:
Opción A: tipo de xuro variable referenciado a Euribor a 3 meses. Poderase incorporar á operación
un «Collar» custo cero no mesmo contrato de préstamo, as condicións do cal fixaranse unha vez outorgado o correspondente mandato.
Prazo: 10 anos (incluída carencia).
Carencia: 2 anos.
Opción B: tipo de xuro fixo.
Prazo: 7 anos (incluída carencia).
Carencia: 2 anos.
Opción C: calquera estructura que a entidade financeira considere que pode ser de interese para SPI-Galicia, S.A.
Prazo: entre 7 e 10 anos (incluída carencia).
Carencia: 2 anos.
(SPI Galicia, S.A. resérvase, en función dos importes ofertados, o dereito a optar por calquera das tres opcións ou ben calquera das combinacións entre elas).
Garantías: as que se deriven do convenio marco e do PEF global de 1999 aprobado polo Consello da Xunta de Galicia o 8 de abril. O contrato que se asine poderá incluír, dentro das causas de vencemento anticipado, a modificación substancial do accionariado de SPI Galicia, S.A.
Presentación de ofertas:
As ofertas dirixiranse en sobre pechado á atención do presidente de SPI Galicia, S.A., Praza de Europa, 10 A-5º, 15703 Santiago de Compostela, facendo constar nel, na marxe superior esquerda o seguinte: «Oferta préstamo outubro 1999».
Prazo de presentación de ofertas:
As ofertas deberán presentarse antes das 12 horas do día 15 de outubro de 1999 no rexistro de SPI Galicia, S.A.
O/os mandato/s serán outorgado/s no prazo máximo de oito días, contados desde a finalización do período de presentación de ofertas.
Santiago de Compostela, 29 de setembro de 1999.
Juan José Novoa Montero
Presidente da Sociedade Pública de Investimentos
de Galicia, S.A.