Por Resolución do 6 de setembro de 1999 anunciouse a licitación, polo sistema de concurso, do servicio de comedor e limpeza nos centros de capacitación agraria de Guísamo, Sergude, Becerreá e Monforte de Lemos.
Advertido un erro na redacción do punto 7 do prego de prescricións técnicas, títulado Persoal para a prestación do servicio, cómpre a súa corrección, e onde di:
«Para a prestación dos servicios de comedor e limpeza, o adxudicatario contará co persoal laboral contratado con destino nos centros, segundo o anexo II que se acompaña, e será a súa obriga ...».
«Todolos traballos relativos á preparación, servicio e distribución da comida ós comensais, correrá a cargo do persoal antedito baixo a responsabilidade do adxudicatario,...».
Debe dicir:
«Para a prestación dos servicios de comedor e a súa limpeza o adxudicatario contará coa colaboración do persoal laboral contratado con destino nos centros, sen que isto implique en ningún caso desviación dos cometidos propios da súa categoría, segundo o anexo II que se xunta a título informativo, e será a súa obriga ...».
«Tódolos traballos relativos á preparación, servicio e distribución da comida ós comensais, serán responsabilidade do adxudicatario ...».
Santiago de Compostela, 27 de setembro de 1999.
P.D. (Orde do 15-12-1997,
DOG nº 243, 17 de decembro)
Ángel Bernardo Tahoces
Secretario xeral da Consellería de Agricultura,
Gandería e Política Agroalimentaria