A Comisión de Goberno, en sesión extraordinaria do 15 de setembro de 1999, aprobou os pregos de cláusulas administrativas particulares que rexerán a contratación, polo procedemento aberto e sistema de concurso, da suministración de adquisición dun camión para recollida e transporte de lixo.
Os citados pregos estarán expostos ó público durante 8 días para os efectos de que poidan presenta-las reclamacións contra eles.
Ó mesmo tempo, o concello anuncia a licitación do citado contrato de subministración, a cal quedará aprazada se houbese reclamacións contra os pregos ata a súa resolución:
Obxecto do contrato: adquisición dun camión para a recollida, compactación e transporte de lixo coas características mínimas esixidas na base I do prego de cláusulas administrativas particulares.
Lugar de entrega: Concello da Pontenova.
Prazo de execución: cincuenta (50) días naturais desde a sinatura do contrato.
Orzamento de licitación: 18.560.000 pesetas, IVE incluído.
Tramitación: urxente. Procedemento: aberto. Forma: concurso.
Garantías: provisional 371.200 pesetas.
Información: o modelo de proposición e o prego de cláusulas administrativas facilitaranse no Concello da Pontenova (Lugo).
Presentación de proposicións: trece días naturais contados desde o seguinte ó da última publicación deste edicto no BOP de lugo ou no DOG.
A Pontenova, 17 de setembro de 1999.
Enrique Fernández González
Alcalde