Convocada a provisión, polo sistema de libre designación, dun posto de traballo vacante no Instituto Galego da Vivenda e Solo, pola Orde do 15 de xuño de 1999 (DOG nº 119, do 23), este instituto, no uso das facultades e atribucións conferidas pola Lei 4/1988, da función pública, os artigos 16 e 17 do Decreto 93/1991, do 20 de marzo, e vista a proposta do director xeral do IGVS, do 17 de setembro
RESOLVO:
Primeiro.-Declarar deserto o posto de traballo que se indica no anexo desta orde.
Segundo.-Contra esta orde, que esgota a vía administrativa, poderase interpoñer potestativamente recurso de reposición ante este mesmo órgano no prazo dun mes contado a partir do día seguinte ó da súa publicación, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, segundo redacción dada pola Lei 4/1999, do 13 de xaneiro, ou poderase interpoñer recurso contencioso-administrativo ante o xulgado do contencioso-administrativo competente no prazo de dous meses contados a partir do día seguinte ó da súa publicación.
Santiago de Compostela, 20 de setembro de 1999.
José Cuíña Crespo
Conselleiro de Política Territorial, Obras Públicas e Vivenda
ANEXO
Denominación do posto de traballo: xefe servicio técnico.
Centro directivo: área provincial do IGVS.
Localidade: A Coruña.
Código do posto: OTA991000015001057.