En virtude do establecido no artigo 3, do Decreto 3/1987, do 8 de xaneiro, publicado no DOG nº 12, do 20 de xaneiro, que desenvolve regulamentariamente a Lei 4/1983, do 15 de xuño, de recoñecemento da galeguidade, por proposta do conselleiro da Presidencia e Administración Pública, logo do informe favorable da Secretaría Xeral para as Relacións coas Comunidades Galegas e logo de deliberación do Consello da Xunta de Galicia na súa reunión do día dezasete de setembro de mil novecentos noventa e nove,
DISPOÑO:
Artigo único.-Recoñéceselle a galeguidade á Unión de Residentes del Ayuntamiento de Carbi-Villa de Cruces en Buenos Aires (Argentina).
Disposición derradeira
Este decreto entrará en vigor o día da súa publicación no Diario Oficial de Galicia.
Santiago de Compostela, dezasete de setembro de mil novecentos noventa e nove.
Manuel Fraga Iribarne
Presidente
Jaime Pita Varela
Conselleiro da Presidencia e Administración Pública