A Lei 27/1992, do 24 de novembro, de portos do Estado e da mariña mercante, texto reformado pola Lei 62/1997, do 26 de decembro, atribúelles ás

comunidades autónomas as facultades de designación e separación dos vocais dos consellos de administración das autoridades portuarias de interese xeral do Estado, sitas no seu territorio.

Os acordos do Consello da Xunta de Galicia do 5 e 26 de marzo de 1998 facultan o conselleiro de Política Territorial, Obras Públicas e Vivenda para o exercicio das devanditas competencias.

Consonte o previsto no artigo 40 da Lei de portos do Estado e da mariña mercante, segundo a súa redacción trala modificación operada pola Lei 62/1997, do 26 de decembro, a designación dos vocais do Consello de Administración deberá facerse necesariamente por proposta das administracións públicas e entidades e organismos representados no Consello de Administración, polo que, recibido o acordo do pleno, do 9 de xullo de 1999, do Concello da Coruña, polo que se nomean novos representantes da dita corporación na Autoridade Portuaria da Coruña, en canto órgano competente,

DISPOÑO:

Nomear a Francisco Javier Losada de Azpiazu vocal do Consello de Administración da Autoridade Portuaria da Coruña, en representación do Concello da Coruña.

Nomear a Jesús Salvador Fernández Moreda vocal do Consello de Administración da Autoridade Portuaria da Coruña, en representación do Concello da Coruña.

Nomear a José Federico Nogueira Fernández vocal do Consello de Administración da Autoridade Portuaria da Coruña, en representación do Concello da Coruña.

Santiago de Compostela, 20 de setembro de 1999.

José Cuíña Crespo

Conselleiro de Política Territorial, Obras Públicas e Vivenda