O director-xerente do Complexo Hospitalario Juan Canalejo-Marítimo Oza da Coruña, en virtude das atribucións que lle foron delegadas polo artigo 7 letra j) da Orde do 21 de abril de 1998, sobre delegación de competencias en órganos centrais e periféricos do Servicio Galego de Saúde (DOG nº 88,
do 11 de maio) e coa autorización expresa prevista nesta mesma norma, unha vez cumpridos os trámites administrativos correspondentes, resolve anuncia-la licitación que a continuación se cita:
Obxecto: arrendamento de 3 vehículos de tipo turismo, destinados á realización dos servicios de hospitalización a domicilio que corresponden ó Complexo Hospitalario Juan Canalejo-Marítimo Oza da Coruña.
Orzamento: 11.520.000 ptas. (69.236,59 euros).
Garantía provisional: 230.400 ptas. (1.384,73 euros).
Lote 1: arrendamento de 3 vehículos tipo turismo.
Orzamento: 11.520.000 ptas. (69.236,59 euros).
Garantía provisional: 230.400 ptas. (1.384,73 euros).
1. Forma de adxudicación: concurso polo procedemento aberto.
2. Prazo de entrega: os vehículos arrendados serán entregados dentro do prazo máximo dos 30 días naturais seguintes ó asinamento do contrato.
3. Admisión de variantes: os licitadores poderán introducir nas súas proposicións varias ofertas (ata un máximo de dúas variantes, ademais da oferta básica), que co mesmo ou distinto prezo, pero sempre igual ou inferior ó orzamento de licitación, incorporen, para a prestación, solucións alternativas ás definidas no anexo I: prego de prescricións técnicas adxunto.
O licitador que utilice esta posibilidade aterase ás seguintes instruccións:
Deberá incluír no sobre B, dedicado á oferta económica, tantas ofertas como formule.
No sobre B, dedicado á oferta técnica, incluirá, ademais dos restantes documentos requiridos, a descrición das variantes propostas.
4. Solvencia económica, financeira e técnica: ver prego de cláusulas administrativas particulares.
5. Criterios de adxudicación:
Condicións do servicio de asistencia ofertadas, capacidade e medios cos que contan as empresas para a súa prestación: 35 puntos.
Rebaixas económicas sobre o orzamento máximo de licitación: 25 puntos.
Oferta técnica dos vehículos propostos; características e prestacións, funcionalidade, melloras e outras ventaxas: 25 puntos.
Condicións presentadas e melloras sobre os mínimos de pregos respecto á obriga de aseguramento do arrendador: 15 puntos.
Total puntuación máxima posible: 100 puntos.
6. Documentos de interese para os licitadores: o prego de cláusulas administrativas particulares e demais documentación complementaria, poden ser solicitados no Servicio de Contratación do Complexo Hospitalario (planta terceira do edificio do hotel de pacientes, anexo ó Hospital Juan Canalejo). As Xubias
de Arriba, 84, 15006 A Coruña, en días laborables desde as 9 ás 14 horas. Teléfono: 981 17 80 73. Fax: 981 17 80 32.
7. Presentación de proposicións: as proposicións deberanse presentar en man, en sobres pechados e asinadas polo licitador ou persoa que o represente, no rexistro xeral deste Complexo Hospitalario Juan Canalejo (planta baixa do Hospital Juan Canalejo), antes das 14 horas do vixésimo sexto día natural contado a partir do seguinte ó da publicación desta resolución no Diario Oficial de Galicia, ou mandadas por correo, dentro do prazo sinalado.
8. Apertura das proposicións: terá lugar na sala de xuntas da xerencia do Complexo Hospitalario (planta baixa do hotel de pacientes), a partir das 10 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura de proposicións terá lugar o primeiro día hábil seguinte.
9. Documentación que deberán achega-los licitadores: os documentos que figuran no prego de cláusulas administrativas particulares.
10. Anuncios: os anuncios deste concurso serán por conta do adxudicatario do contrato.
A Coruña, 10 de setembro de 1999.
Jesús Caramés Bouzán
Director xerente do Complexo Hospitalario
Juan Canalajo-Marítimo Oza da Coruña