O Pleno do Concello, na sesión do 9 do abril de 1999, aprobou definitivamente o estudio de detalle e a delimitación da unidade de execución número 16, Muíño de Sar, presentado por Construcciones Pepe Noya, S.L.

Consonte o disposto polo artigo 48.2º da Lei do solo de Galicia publicouse no BOP o día 1 de setembro de 1999 o texto íntegro da normativa urbanística do estudio de detalle definitivamente aprobado.

Contra o acto de aprobación definitiva, que pon fin á vía administrativa, poderase interpor potestativamente recurso de reposición perante o Pleno do Concello no prazo dun mes contado desde o día seguinte ó da súa publicación no Diario Oficial de Galicia. Alternativamente, o acto de aprobación definitiva poderá impugnarse directamente en vía xudicial mediante a interposición de recurso contencioso-administrativo perante o Tribunal Superior de Xustiza de Galicia, no prazo de dous meses contado o día seguinte ó da súa publicación no Diario Oficial de Galicia.

No suposto en que se interpoña recurso administrativo de reposición, non poderá interpoñerse recurso contencioso-administrativo mentres non se resolva expresa ou presuntamente o de reposición. En tal caso, o prazo para interpoñe-lo recurso contencioso administrativo contarase desde o día seguinte a aquel en que se notifique a resolución expresa do de reposición ou no que este deba entenderse presuntamente rexeitado. Neste último caso, o prazo para interpoñer-lo recurso contencioso-administrativo é de seis meses.

Santiago de Compostela, 2 de setembro de 1999.

Xosé A. Sánchez Bugallo

Alcalde