Os comités éticos de investigación clínica son os encargados de emitir informe sobre tódolos ensaios

clínicos que se fan dentro do seu ámbito territorial. A revogación da súa acreditación correspóndelle ó conselleiro de Sanidade e Servicios Sociais, por proposta da dirección xeral do Servicio Galego de Saúde competente, segundo o disposto no artigo 13 do Decreto 32/1996, do 25 de xaneiro, polo que se regula a realización dos ensaios clínicos na Comunidade Autónoma de Galicia.

En consecuencia, en virtude das facultades que me confire o artigo 38 da Lei 1/1983, do 22 de febreiro, reguladora da Xunta e do seu presidente, reformada pola Lei 11/1988, do 20 de outubro, e a disposición adicional primeira do Decreto 32/1996, do 25 de xaneiro, polo que se regula a realización de ensaios clínicos na Comunidade Autónoma de Galicia, por proposta da División de Farmacia e Productos Sanitarios do Servicio Galego de Saúde,

DISPOÑO:

Artigo único.-Cesa como membro do Comité Ético de Investigación Clínica de Galicia, creado pola Orde do 11 de xullo de 1996, a persoa que se relaciona no anexo.

Santiago de Compostela, 3 de agosto de 1999.

José María Hernández Cochón

Conselleiro de Sanidade e Servicios Sociais

ANEXO

Persoa que cesa como membro do CEIC de Galicia: Francisco Manuel Martínez Otero.