Na data 28 de xullo de 1999, a Dirección Xeral da Consellería de Industria e Comercio da Xunta de Galicia autorizou as instalacións do proxecto de punto de entrega a Gas Galicia no p.k. 165,5 da

N-550-A e ramal de subministración a Cerámicas da Moura, que discorre polos termos municipais do Porriño, Salceda de Caselas e Tui. Declarada a utilidade pública e urxente ocupación de conformidade co disposto no artigo 103 e 104 da Lei 34/1998, do 7 de outubro, do sector de hidrocarburos, procede a iniciación do expediente expropiatorio.

Na súa virtude, esta delegación provincial, en cumprimento co disposto no artigo 52 da Lei de expropiación forzosa, do 16 de decembro de 1954, acordou convoca-los titulares dos bens e dereitos afectados para que comparezan na casa do concello en que radican os predios afectados, como punto de reunión para, con independencia de desprazarse posteriormente ó terreo e de conformidade co procedemento que establece o precitado artigo, levar a cabo o levantamento das actas previas á ocupación e, se procedese, o das de ocupación definitiva.

Tódolos interesados, así como as persoas que sexan titulares de calquera clase de dereitos ou intereses sobre os bens afectados, deberán acudir persoalmente ou representados por persoa debidamente autorizada, achegando os documentos acreditativos da súa titularidade máis o último recibo da contribución, podéndose acompañar, pola súa conta, dos seus peritos e un notario, se o consideran oportuno.

Para o levantamento das actas os afectados deberán presentarse o próximo día 15 de setembro de 1999 no Concello de Salceda de Caselas, a partir das 10 horas; o día 16 de setembro de 1999 no Concello do Porriño, a partir das 10 horas e no Concello de Tui, a partir das 12 horas.

A orde de levantamento das actas comunicaráselle a cada interesado mediante a oportuna cédula de citación, figurando a relación de titulares convocados no taboleiro de edictos do concello sinalado.

É de significar que esta publicación se realiza igualmente para os efectos determinados polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, de notificación do presente acordo ós titulares descoñecidos e mais a aqueles con domicilio descoñecido dos predios que se describen no anexo.

No expediente expropiatorio, Enagás, S.A. asumirá a condición de beneficiaria, coas obrigas e dereitos establecidos nos artigos 2.2º da Lei de expropiación forzosa e 5 do seu regulamento.

Pontevedra, 6 de agosto de 1999.

P.D.

Rafael Rubio Maquieira

Secretario provincial de Pontevedra

Convocatoria actas previas á ocupación

Proxecto: acometida a Cerámicas da Moura P.E.G.G.

Termo municipal: O Porriño.

Termo municipal: Salceda de Caselas.

Termo municipal: Tui.