A Delegación Provincial de Pontevedra fai saber que como consecuencia da caducidade dos dereitos mineiros que a continuación se sinalan, quedaron francos os seus terreos, polo que, en aplicación do artigo 53 da Lei 22/1973, do 21 de xullo, de minas (BOE nº 176, do 24), convoca concurso dos comprendidos nesta provincia. Inclúense:
-Aquelas pertenzas e cuadrículas mineiras de rexistros mineiros caducados noutras provincias, con superficies na de Pontevedra.
-As cuadrículas de permisos de investigación que non derivaron en concesión de explotación.
-Os espacios francos non rexistrables de cuadrículas pertencentes a dereitos mineiros outorgados conforme lexislacións anteriores ou referidos ó meridiano de Madrid.
Na relación de rexistros faise expresión de número, nome, recurso, termo municipal e superficie, en cuadrículas mineiras.
Nº Nome Recurso Termo municipal Superficie
2382 Faro Granito ornamental Salceda de Caselas, Salvaterra de Miño, Ponteareas 47 C.M. 2464 Rañe Granito ornamental Ponteareas, Salvaterra de Miño 10 C.M. 2509 Pelaio Sección C) O Porriño, Mos, Vigo 111 C.M. 2517 Vilalonga Arxila Sanxenxo, Meaño 50 C.M. 2522 Vincios Sección C) Gondomar, Nigrán, Mos, O Porriño, Vigo 294 C.M. 2533 Costado Sección C) Lalín, Dozón 189 C.M. 2543 Picans Granito ornamental A Estrada 8 C.M. 2573 Monzon Granito ornamental Pazos de Borbén, Redondela, Soutomaior 7 C.M. 2574 Casas Granito ornamental Vigo 4 C.M. 2575 Laxinde Granito ornamental Ponte Caldelas, Pontevedra 9 C.M. 2588 AM. Confurdo II Granito ornamental Ponteareas 3 C.M. 2589 Taborda Sección C) Tomiño 63 C.M. 2601 Jarotos Granito ornamental Covelo, A Lama, Fornelos de Montes 42 C.M. 2609 Laxe do Avó Granito ornamental Arbo 15 C.M. 2616 Freaza Granito ornamental Fornelos de Montes, Mondariz 34 C.M. 2622 Couso Granito ornamental Ponteareas 2 C.M. 2641 Torrón Granito ornamental Salceda de Caselas 1 C.M. 2684 Ana Sección C) Oia, Tomiño, O Rosal 30 C.M. 2742 Festa Granito ornamental Ponteareas 44 C.M. 2670 Dagda Granito ornamental Caldas de Reis, Vilagarcía de Arousa 4 C.M.
As solicitudes axustaranse ó establecido no artigo 72 do Regulamento xeral para o réxime da minería, do 25 de agosto de 1978 (BOE do 11 e 12 de decembro de 1978), e ó establecido no Real decreto lexislativo 1303/1986, do 28 de xuño (BOE nº 155, do 30 de xuño de 1986) polo que se adecua ó ordenamento xurídico da Comunidade Económica Europea o título VIII da Lei 22/1973, do 21 de xullo, de minas.
As taxas que se aboarán sobre as superficies que comprendan as ofertas e outras condicións que se deberán ter en conta nelas, estableceranse no prego de condicións que estará exposto ó público no taboleiro de anuncios da Delegación de Industria de Pontevedra, na que tamén se poderán obte-los datos relativos á situación xeográfica das superficies sometidas a concurso.
As ofertas presentaranse na Delegación Provincial da Consellería de Industria e Comercio de Pontevedra, sita na rúa Eduardo Pondal, 64, baixo, nas horas de rexistro, de 9 a 14, durante o prazo de dous meses, contados a partir do día seguinte ó da publicación da presente resolución no Diario Oficial de Galicia.
A apertura das ofertas será realizada por unha mesa, coa composición que se indica no artigo 72.2º do Regulamento xeral para o réxime da minería, que se constituirá na data que determine esta delegación provincial, e que se lle comunicará individualmente a todos aqueles que presentaron ofertas.
Todo o anterior faise público de conformidade cos artigos 72º e 104.4º do Regulamento xeral para o réxime da minería do 25 de agosto de 1978.
Pontevedra, 26 de xullo de 1999.
Carmen Bianchi Valcarce
Delegada provincial de Pontevedra