Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Eléctrica-Fenosa, S.A.

Enderezo social: García Barbón, 38, 36201 Vigo.

Denominación: L.M.T., C.T. e R.B.T. Santo André Ponte.

Situación: Vigo.

Descricións técnicas: L.M.T., subterránea, a 15 kV, de 230 m de lonxitude, con conductor tipo R.H.V., desde a liña BAL 7.06 alimentando en bucle ó C.T. que se proxecta en Santo André de Comesaña, nomeado Santo André Ponte, concello de Vigo, rematando na L.M.T. ó C.T. Proneiras. C.T. de 400 kVA, relación de transformación 15 kV-380/220 V. R.B.T., aérea, de 80 m de lonxitude, con conductor tipo R.Z. R.B.T., subterránea, de 480 m de lonxitude, con conductor tipo R.V.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve,

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.

Pontevedra, 14 de xullo de 1999.

Carmen Bianchi Valcarce

Delegada provincial de Pontevedra