Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

-Solicitante: Electra del Gayoso, S.L.

-Enderezo social: non consta, 15000 Vimianzo.

-Denominación: R.B.T. Lamastredo-Pescadoira.

-Situación: Camariñas.

-Descricións técnicas: rede de baixa tensión a 380/220 V de 1.383 metros de lonxitude en conductor R.Z. alimentado polo C.T. de Lamastredo e final nas acometidas dos abonados. Concello de Camariñas.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, nas que as características axustaranse en tódalas súas partes ás que figuran no mesmo e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.

Contra a presente resolución poderá interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente o seu dereito.

A Coruña, 29 de xuño de 1999.

Jesús Espada Martínez

Delegado provincial da Coruña