En cumprimento do disposto no artigo 42 da Lei 4/1997, do 25 xuño, de caza de Galicia, e na demais normativa que sexa de aplicación, que inclúe:
O Decreto 506/1971, do 25 de marzo de 1971, polo que se aproba o regulamento para o desenvolvemento da Lei 1/1970, do 4 de abril, de caza, no que sexa de aplicación en virtude do establecido nas disposicións transitorias segunda, terceira, cuarta e quinta, así como na disposición derrogatoria da Lei 4/1997, do 25 de xuño, de caza de Galicia.
A Lei 4/1989, do 27 de marzo, de conservación dos espacios naturais e da flora e fauna silvestres e a Lei 40/1997, do 5 de novembro, sobre reforma da anterior.
O Real decreto 1118/1989, do 15 de setembro, polo que se determinan as especies obxecto de caza e pesca comercializables e se dictan normas ó respecto.
O Real decreto 439/1990, do 30 de marzo, polo que se regula o catálogo nacional de especies ameazadas.
A Lei de Galicia 1/1993, do 13 de abril, de protección de animais domésticos e salvaxes en catividade e o Decreto 153/1998, da Consellería de Medio Ambiente, do 2 de abril, polo que se aproba o regulamento que a desenvolve.
A Directiva 79/409, do Consello da Comunidade Económica Europea, do 2 de abril de 1979, relativa á conservación das aves silvestres.
A Directiva 92/43, do Consello da Comunidade Económica Europea, do 21 de maio de 1992, relativa á conservación dos hábitats naturais e da fauna e flora silvestres, e as súas posteriores modificacións.
O Real decreto 1997/1995, do 7 de decembro, polo que se establecen medidas para contribuír a garanti-la biodiversidade mediante a conservación dos hábitats naturais e da fauna e flora silvestre.
O Decreto 45/1999, do 21 de xaneiro, polo que se establecen medidas preventivas e de restauración de áreas afectadas polos incendios forestais.
E demais normativa de aplicación.
É necesario fixa-las limitacións e épocas hábiles de caza durante a temporada 1999-2000.
Por todo isto, e oídos os comités provinciais e galego de caza, en virtude do artigo 27.15º do Estatuto de autonomía de Galicia, dos reais decretos 167/1981, do 9 de xaneiro; 1706/1982, do 24 de xullo, e 1535/1984, do 20 de xuño, sobre transferencias de funcións e servicios do Estado á Comunidade Autónoma de Galicia en materia de conservación da natureza, cos decretos 347/1997, 351/1997, polos que se establece a estructura orgánica da Xunta de Galicia, co Decreto 482/1997, do 26 de decembro, polo que se establece a estructura orgánica da Consellería de Medio Ambiente, e polas atribucións conferidas na Lei 1/1983, do 22 de febreiro, reguladora da Xunta e do seu presidente, artigos 1 e 3 do Decreto 205/1990, do 15 de marzo, e demais normativa concordante
DISPOÑO:
TÍTULO I
Normas de carácter xeral
Artigo 1º
A presente orde de vedas regula os períodos hábiles de caza, as especies sobre as que se poderá exercer esta, os métodos autorizados para a súa práctica e as limitacións xerais ou particulares que afectarán o exercicio da actividade cinexética no territorio da Comunidade Autónoma de Galicia durante a temporada 1999-2000.
Artigo 2º
A caza poderá exercerse unicamente sobre as especies de aves e mamíferos que se relacionan no anexo I
da presente orde e só mediante os procedementos non prohibidos por ela.
Artigo 3º
O período hábil para exerce-la caza válido con alcance xeral será o comprendido entre os días 17 de outubro de 1999 e o 6 de xaneiro de 2000, ambos inclusive, na Comunidade Autónoma de Galicia, coas excepcións que para cada especie se sinalan no título V desta orde. Os días da semana en que se permitirá o seu exercicio dependerán de que se trate dunha ou doutra das modalidades de caza maior ou menor e veñen detallados nos títulos II e III desta orde que se refiren a cada unha delas, así como nas limitacións sinaladas no título V desta orde. De acordo co establecido no artigo 34.2º da Lei 4/1997, do 25 de xuño, de caza de Galicia, queda prohibido cazar fóra do período comprendido entre unha hora antes da saída do sol e unha hora despois da súa posta, salvo nos casos debidamente autorizados para a realización de esperas, agardas ou outras modalidades.
Con carácter xeral prohíbese a caza de calquera especie cinexética nas súas correspondentes épocas de celo, reproducción e crianza, salvo autorización excepcional e expresa da Dirección Xeral de Montes e Medio Ambiente Natural.
De acordo co que establece o Decreto 45/1999, do 21 de xaneiro, polo que se establecen medidas preventivas e de restauración de áreas afectadas polos incendios forestais, queda prohibido o exercicio da caza durante a presente temporada nas superficies afectadas por incendios dunha extensión superior a unha hectárea que ardesen hai menos de dous anos da apertura da temporada de caza.
Nos terreos sometidos a réxime cinexético especial que estean acollidos á modalidade prevista no artigo 25.2º do Decreto 506/1971, polo que se aproba o Regulamento para a execución da Lei 1/1970, do 4 de abril, de caza, serán de cumprimento tódalas disposicións recollidas na presente orde, salvo aquelas que expresamente se determinen na resolución que estableza a súa autorización. Ó remate da presente temporada, os titulares de dereitos cinexéticos sobre estes terreos ou os promotores destas regulamentacións especiais poderán solicita-la declaración sobre eles dalgunha das categorías que para os terreos suxeitos a réxime cinexético especial se recollen na Lei 4/1997, do 25 de xuño de caza de Galicia, de acordo co establecido nela e nas disposicións que no seu desenvolvemento se dicten.
Artigo 4º
As armas e procedementos non autorizados para exerce-la caza son os que figuran no anexo II desta orde.
Igualmente, queda prohibida a tenza ou o emprego de munición de postas no exercicio da práctica venatoria, entendendo como tal calquera cartucho cargado con máis dun proxectil de peso unitario igual ou superior a 2,5 gramos.
Artigo 5º
Só poderán ser obxecto de venda ou comercio as especies silvestres cazables que se relacionan no anexo III da presente orde. Isto poderá realizarse unicamente durante a temporada hábil de caza para cada especie, no ámbito territorial en que aquela rexa, sempre e cando fosen capturados ou cazados de acordo coas condicións establecidas nesta orde de vedas e na restante normativa de aplicación. O tráfico ou comercio de especies de protección temporal nas provincias en que a súa captura estivese prohibida precisará dunha guía expedida polo organismo competente que xustifique a súa procedencia.
Os exemplares procedentes de explotacións industriais, así como os seus ovos cando se trate de aves, poderanse comercializar en calquera época do ano, logo de acreditación suficiente da súa orixe e do cumprimento dos requisitos fixados no artigo 2 do Real decreto 1118/1989, do 15 de setembro, e demais normativa do ámbito sanitario. Para estes efectos teñen a consideración de explotación industrial as granxas cinexéticas, os pombais industriais, as explotacións cinexéticas e os coutos de caza expresamente autorizados para a producción e venda de pezas de caza en vivo, toda vez que cumpran as esixencias impostas polas normas que os afectan.
Queda prohibida a venda, o transporte para a venda, a retención para a venda e a posta en venda das especies da fauna silvestre non determinadas no anexo III desta orde.
De acordo co artigo 10.1º da Lei de Galicia 1/1993, do 13 de abril, de protección de animais domésticos e salvaxes en catividade, o posuidor autorizado dun animal salvaxe en catividade é responsable da súa protección e coidado, así como do cumprimento de tódalas obrigas establecidas na dita lei. Por outra parte, de conformidade co establecido no artigo 26.4º do Decreto 153/1998, do 13 de abril, a posesión dun animal salvaxe autóctono en catividade, estará condicionada a unha autorización previa por parte da Administración.
Artigo 6º
Cando o comercio con animais silvestres vivos de carácter cinexético teña como fin seren liberados no medio natural, a súa adquisición estará condicionada a que previamente sexa autorizada a solta polo Servicio de Medio Ambiente Natural da provincia na que pretenda realizarse. Na solicitude de autorización deberán facerse consta-las especies, o número e a procedencia dos exemplares que se propón adquirir, así como a adecuación de tal propósito ás previsións do plan técnico de aproveitamento cinexético que afecta o terreo onde vaian ser liberados os espécimes.
De acordo coa Resolución do 10 de xaneiro de 1995, da Dirección Xeral de Montes e Medio Ambiente Natural, prohíbese o transporte e solta de exemplares de lebre, procedentes tanto de dentro como de fóra da Comunidade Autónoma de Galicia.
TÍTULO II
Caza menor
Artigo 7º.-Días hábiles.
Consideraranse días hábiles de caza os xoves, domingos e festivos de carácter estatal ou autonómico.
Artigo 8º.-Limitacións de carácter xeral.
1. Nos terreos de réxime cinexético común nos que, en virtude do establecido no artigo 9.3º da Lei 4/1997, de caza de Galicia, estea permitido o exercicio da caza ó contar cunha superficie continua superior ás 500 ha, a cota máxima por cazador e día será dunha perdiz rubia e dous coellos. Nos servicios provinciais de Medio Ambiente Natural exporase ó público unha relación dos ditos terreos de réxime cinexético común que superen as 500 ha.
2. Nos terreos de réxime cinexético especial as cotas serán as que se establezan nos correspondentes plans de aproveitamento.
3. Prohíbese a caza de aves acuáticas desde calquera tipo de embarcación, con ou sen motor.
4. Queda prohibido con carácter xeral o emprego ou posesión de balas ou armas longas de ánima riscada na práctica venatoria con especies de caza menor.
Artigo 9º.-Métodos e modalidades de caza.
1. Na práctica da caza en man, con ou sen cans, nos terreos cinexéticos de aproveitamento común non se poderá cazar en grupos maiores de seis cazadores, nin cazar coordinadamente máis dun grupo. Caza cazador poderá cazar como máximo con catro cans, cun máximo de quince por grupo.
2. Poderanse autorizar ganchos para a caza do raposo rematado o período hábil de caza menor e ata o día 30 de xaneiro de 2000, no territorio da Comunidade Autónoma de Galicia, durante os sábados e domingos. Os ganchos faranse cun mínimo de dez cazadores e cun máximo de vintecinco cazadores; poderá o Servicio Provincial de Medio Ambiente Natural aumenta-lo dito máximo ata trinta cazadores se o coida conveniente en casos puntuais. No transcurso do gancho, o seu responsable deberá leva-la autorización correspondente dela e a relación completa encabezada por el mesmo, dos participantes cos respectivos nomes e números de DNI. Esta relación deberá estar confeccionada antes do comezo do gancho.
Os titulares de terreos cinexéticos de réxime especial deberán presentar unha única solicitude antes do 15 de decembro de 1999 nos servicios provinciais de Medio Ambiente Natural para o conxunto de ganchos que queiran realizar no período comprendido entre o 6 de xaneiro do 2000 e o 30 de xaneiro do 2000, debendo quedar constancia da súa entrada no correspondente rexistro oficial antes da devandita data. Na solicitude deberán indicarse a data, a hora, o lugar de reunión, a superficie que se cazará e o número de participantes en cada gancho previsto.
Se por calquera circunstancia algún dos ganchos autorizados non se efectuase no lugar e data fixadas, en ningún caso se poderá traslada-la súa celebración a outro día.
En terreos de aproveitamento común as solicitudes tamén deberán presentarse antes do 15 de decembro de 1999, debendo cumpri-los requisitos establecidos no parágrafo anterior; sen embargo e dentro do período hábil establecido con carácter xeral, os ganchos só poderán celebrarse os sábados.
Así mesmo, os solicitantes dos ganchos ós que se lles concedese a autorización correspondente deberán informa-lo Servicio Provincial de Medio Ambiente Natural do resultado de cada un deles nun prazo máximo de 15 días a partir da súa celebración. Os resultados consignaranse por escrito e no impreso normalizado que se entregará coa resolución pola que se autorice o gancho. O incumprimento deste requisito poderá supor a non autorización de máis ganchos no futuro ó mesmo solicitante. O Servicio Provincial de Medio Ambiente Natural poderá requirir dos solicitantes dos ganchos a súa colaboración para a recollida de mostras para a análise sanitaria e tamén para a toma de datos biométricos.
3. Mentres non haxa unha regulación específica da cetrería na Comunidade Autónoma de Galicia, o director xeral de Montes e Medio Ambiente Natural poderá autorizar, de maneira excepcional, esta modalidade de caza.
Artigo 10º.-Adestramento de cans.
1. De acordo co establecido no artigo 10 e nos artigos 18 a 23 da Lei de Galicia 1/1993, de protección de animais domésticos e salvaxes en catividade, queda prohibido o adestramento de cans para a caza maior con espécimes de caza maior liberados dentro de cercados, ou de calquera xeito que implique maltrato para animais salvaxes en catividade.
2. Autorízase o adestramento de cans en terreos de réxime cinexético común, sen previa petición, desde o 19 de setembro de 1999 ata o remate da temporada hábil de caza menor, os xoves, domingos e festivos de carácter estatal ou autonómico, sen armas nin calquera outro medio de caza e sen que se produza a captura nin a morte da peza. O número máximo de cans por cazador será de 2.
3. Autorízase o adestramento de cans en terreos de réxime cinexético especial, sen previa petición e a partir do xoves día 2 de setembro de 1999 ata o remate da temporada hábil de caza menor, sen armas nin calquera outro medio de caza e sen que se produza a captura nin a morte da peza, os días hábiles, é dicir, os xoves, domingos e festivos de carácter estatal ou autonómico, nas zonas que os titulares dos devanditos terreos establezan.
4. Os titulares dos coutos de caza maior e os de caza menor que teñan autorizado o aproveitamento complementario de caza maior para o xabaril ou para o corzo, estremarán as precaucións e adoptarán as
medidas de seguridade precisas para evitar accidentes ou calquera tipo de interferencia durante a celebración de ganchos, no período que coincida co permitido para o adestramento de cans. En concreto, terán en conta as zonas e manchas que se van bater para evitar que as zonas de adestramento que establezan coincidan con elas na realización dos ganchos.
5. Fóra do período establecido no número anterior, os titulares de terreos de réxime cinexético especial que teñan expresamente autorizada unha zona de adestramento de cans, poderán adestra-los cans dentro dos límites e nas épocas e condicións establecidas nas respectivas autorizacións.
6. Con fins de alta competición, logo de informe da Federación Galega de Caza, os servicios provinciais de Medio Ambiente Natural poderán autoriza-lo adestramento de cans de mostra, con caza sementada, en calquera época do ano nos lugares autorizados para este fin.
Artigo 11º.-Competicións de caza.
1. En terreos cinexéticos de réxime especial durante o período hábil de caza menor poderán autorizarse competicións con morte (caza menor e San Huberto) ou sen morte (cans de mostra e cans de rastro), con pezas silvestres ou sementadas, os xoves, sábados, domingos e festivos. Estas competicións poderán ser supervisadas polos axentes de Medio Ambiente Natural.
2. Nos mesmos terreos, e fóra do período hábil de caza menor, poderán autorizarse competicións sen morte e con caza sementada, por petición da parte interesada, nas condicións e zonas que, previamente, sinalen os servicios provinciais de Medio Ambiente Natural. As devanditas competicións poderán celebrarse os sábados, domingos e festivos, dentro das zonas autorizadas.
3. Con fins de alta competición, poderán celebrarse logo de autorización, campionatos oficiais federativos con ou sen morte da caza, os sábados, domingos e festivos, en terreos cinexéticos de réxime especial nas seguintes condicións:
a) En época de veda, con caza sementada.
b) Dentro dos periódos hábiles especiais por especies de caza menor, con caza silvestre ou sementada.
Facúltase o director xeral de Montes e Medio Ambiente Natural para dicta-las normas e condicións nas que se desenvolven as citadas probas, cando para o logro dos seus fins sexa necesario abater ou capturar pezas de caza.
TÍTULO III
Caza maior
Artigo 12º.-Días hábiles.
Consideraranse días hábiles de caza, con carácter xeral, os xoves, domingos e festivos de carácter estatal ou autonómico, coas excepcións que se recollen nesta orde.
Artigo 13º.-Métodos e modalidades de caza.
1. A celebración de monterías e ganchos requirirá a autorización previa do Servicio Provincial de Medio Ambiente Natural correspondente, a cal deberá ser solicitada cunha antelación mínima de 20 días. Os ganchos faranse cun mínimo de dez cazadores e cun máximo de vintecinco cazadores, acompañados dun máximo de trinta cans en dous grupos como máximo, podendo o Servicio Provincial de Medio Ambiente Natural correspondente aumenta-lo dito máximo ata trinta cazadores se o coida conveniente en casos puntuais. Na solicitude deberán indicarse a especie, a data, a hora, o lugar de reunión, a superficie que se baterá e o número de participantes en cada gancho previsto. Se por calquera circunstancia algún dos ganchos autorizados non se efectuase no lugar e data fixados, en ningún caso se poderá traslada-la súa celebración a outro día. No transcurso do gancho, o seu responsable deberá leva-la autorización del e a relación completa, encabezada por el mesmo, dos participantes cos respectivos nomes
e números de DNI. Esta relación deberá estar confeccionada antes do comezo do gancho.
2. En terreos cinexéticos de réxime especial só se autorizará a realización de ganchos ou monterías en coutos de caza maior e nos de menor con plan de aproveitamento complementario de caza maior aprobado pola Dirección Xeral de Montes e Medio Ambiente Natural. Neste tipo de terreos os distintos ganchos previstos poderán solicitarse e concederse dunha soa vez, logo da presentación dun calendario.
3. Nos terreos de réxime cinexético común nos que, en virtude do establecido no artigo 9.3º da Lei 4/1997, de caza de Galicia, estea permitido o exercicio da caza ó contar cunha superficie continua superior ás 500 ha, a caza maior só poderá exercerse os sábados e na modalidade de gancho ou montería. No Servicio Provincial de Medio Ambiente Natural expoñerase ó público unha relación dos citados terreos de réxime cinexético común que superen as 500 ha.
4. Os solicitantes dos ganchos ou monterías ós que se lle concedese a autorización correspondente deberán informa-lo Servicio Provincial de Medio Ambiente Natural do resultado de cada unha delas nun prazo máximo de 15 días a partir da súa celebración. Os resultados consignaranse por escrito e no impreso normalizado que se entregará coa resolución pola que se autorice o gancho ou montería. O incumprimento deste requisito poderá supo-la non autorización de máis ganchos ou monterías no futuro ó mesmo solicitante.
5. A caza do corzo e do cervo nas modalidades de axexo ou espera requirirá a autorización previa do Servicio Provincial de Medio Ambiente Natural correspondente e de acordo cos plans especiais de aproveitamento autorizados. Nestas modalidades os solicitantes das autorizacións tamén deberán informar por escrito o Servicio Provincial de Medio Ambiente Natural do resultado da cacería nas con
dicións establecidas no número anterior. A caza do corzo na modalidade de axexo autorizarase entre o 1 de maio do 2000 e o 31 de xullo do 2000, nas provincias da Coruña, Lugo e Ourense.
6. O Servicio de Medio Ambiente Natural poderá requirir dos solicitantes dos ganchos, axexos e outras modalidades de caza maior a súa colaboración para a recolla de mostras para a súa análise sanitaria e tamén para a toma de datos biométricos.
7. Queda prohibido para a caza maior a posesión ou emprego de cartuchos de perdigóns durante a práctica venatoria.
8. Os servicios provinciais de Medio Ambiente Natural poderán autoriza-la celebración de ganchos nos que se permita caza-lo raposo e o xabaril, dentro do período hábil de caza establecido para a última especie, así como a utilización nelas de armas e municións propias de caza maior.
Artigo 14º.-Pezas de caza.
1. Nos plans de aproveitamento dos terreos de réxime cinexético especial e nas autorizacións concedidas para o exercicio da caza maior nos terreos de aproveitamento cinexético común especificaranse as pezas de caza por especies, sexos e idades sobre as que se poderá exerce-la caza.
2. En todo caso, nunca poderán incluírse como pezas de caza:
a) As femias de especies de caza maior cando vaian acompañadas das súas crías.
b) Os machos adultos de corzo que efectuasen a esmouca antes do cerramento do seu período hábil de caza.
TÍTULO IV
Caza por danos
Artígo 15º.-Danos producidos pola caza.
1. Co fin de reduci-los danos que se puidesen producir na agricultura, na gandería, na silvicultura, e na flora e fauna silvestres, os servicios provinciais de Medio Ambiente Natural poderán acordar medidas de control. Fóra do período hábil de caza, estas medidas adoptaranse, logo de comprobación dos danos existentes polos axentes de Medio Ambiente Natural, seguindo directrices expresamente establecidas pola Dirección Xeral de Montes e Medio Ambiente Natural.
2. As principais medidas de control fronte a danos por especies que se poderán adoptar son as seguintes:
a) Lobo (Canis lupus): en evitación de danos, e de acordo cos datos sobre danos recorrentes que consten nos servicios provinciais de Medio Ambiente Natural, poderán autorizarse ganchos ou monterias durante o período hábil de caza maior, conforme as condicións establecidas no artigo 13.1º desta orde. Os solicitantes de cada gancho ou montería autorizado deberán informar dos resultados del por escri
to o Servicio Provincial de Medio Ambiente Natural correspondente no prazo máximo dos 10 días seguintes ó da súa celebración. O incumprimento deste requisito poderá supoñer a non autorización de máis ganchos ou monterías e a anulación automática dos xa autorizados.
Así mesmo, e nos concellos con danos recorrentes producidos por esta especie, logo de informe expreso dos axentes do Servicio Provincial de Medio Ambiente Natural e acreditados de acordo cos datos que consten nos servicios provinciais de Medio Ambiente Natural, poderase autoriza-la captura desta especie nos ganchos de corzo e xabaril.
Fóra da temporada hábil de caza maior, poderán autorizarse monterías, ganchos, axexos ou esperas controlados por manifestos e comprobados prexuízos, ós que poderán asistir axentes do Servicio de Medio Ambiente Natural, conforme as condicións establecidas no artigo 13.1º desta orde, pero neste caso as solicitudes deberán presentarse cunha antelación de 10 días hábiles respecto ó da celebración do gancho, montería, axexo ou espera. As solicitudes deberán presentarse no Servicio Provincial de Medio Ambiente Natural correpondente no prazo máis breve posible a partir da detección dos danos e que permita a comprobación deles polo devandito servicio. Os solicitantes dos ganchos autorizados deberán informar por escrito dos seus resultados o Servicio Provincial de Medio Ambiente Natural correspondente nun prazo máximo de 10 días seguintes ós da súa celebración. O incumprimento deste requisito poderá supoñer a non autorización de máis ganchos e a anulación automática dos xa autorizados.
b) Xabaril (Sus scrofa): co fin de reduci-los danos producidos por esta especie, tras comprobarse a existencia daqueles, os servicios provinciais de Medio Ambiente Natural poderán autoriza-la celebración de ganchos, monterías, axexos ou esperas. Os ganchos ou monterías poderán autorizarse conforme as condicións establecidas no artigo 13º.1 desta orde, pero neste caso as solicitudes deberán presentarse cunha antelación de 10 días hábiles respecto ó da celebración do gancho, montería, axexo ou espera. As solicitudes deberán presentarse no prazo máis breve posible a partir da detección dos danos e que permita a comprobación deles polo devandito Servicio, que os comprobará. Os solicitantes dos ganchos ou monterías autorizados deberán informar por escrito dos resultados destes ó Servicio Provincial de Medio Ambiente Natural correspondente, nun prazo máximo de 10 días seguintes ós da súa celebración. O incumprimento deste requisito poderá supoñer a non autorización de máis ganchos ou
monterías e a anulación autómatica dos xa autorizados.
3. Nas autorizacións concedidas por manifestos e comprobados prexuízos, provocados tanto polo lobo como polo xabaril, en terreos cinexéticos de réxime especial, as solicitudes serán formuladas polo titular do dereito de aproveitamento, pero nela recolleranse obrigatoriamente as sinaturas do prexudicado ou dos prexudicados polos danos detectados. En terreos de
aproveitamento cinexético común as solicitudes serán formuladas polo prexudicado ou polos prexudicados polos danos detectados.
4. O director xeral de Montes e Medio Ambiente Natural establecerá limitacións temporais á adopción destas medidas de control para evitar alteracións nas poboacións de fauna silvestre e non interferir na súa cría e reproducción. Os servicios provinciais de Medio Ambiente Natural prestarán asesoramento técnico ós afectados polos citados danos, para a adopción de medidas alternativas de prevención e protección para as persoas ou na agricultura, na gandería, nos montes ou na flora e fauna silvestres.
5. A carne das reses que se abatan en época de veda, como consecuencia da adopción das medidas de control, no poderá ser obxecto de venda ou comercio.
Artígo 16º.-Aves prexudiciais para a agricultura e a caza.
En virtude do disposto no artigo 9 da Directiva 79/409/CEE, poderá autorizarse a caza e captura de aves que poidan causar danos nos cultivos agrícolas e na fauna.
Os interesados deberán formular unha solicitude dirixida ó Servicio Provincial de Medio Ambiente Natural na que se fará constar:
a) Especie que se pretende cazar ou capturar.
b) Os prexuízos causados ou os riscos que se poidan producir, así como a magnitude deles.
c) Que fosen probadas técnicas disuasorias sen éxito.
d) Expresión do método, tempo e lugar onde se pretende caza-las aves prexudiciais.
Será preceptivo o informe do axente do Servicio de Medio Ambiente Natural correspondente sobre os danos existentes, que informará se hai indicios razoables de que os danos fosen causados ou non polas especies citadas. Se non fose posible establecer razoablemente a orixe dos danos, denegarase a solicitude.
TÍTULO V
Réximes especiais por especies
Artigo 17º.-Réximes especiais por especies aprobados despois de oídos os comités provinciais de Caza e o Comité Galego de Caza.
As regulamentacións específicas nos terreos de réxime cinexético especial aprobadas polos servicios provinciais de Medio Ambiente Natural por proposta dos titulares, nos que se establezan vedas e peches anticipados dos distintos períodos hábiles, serán de obrigado cumprimento. A infracción das limitacións ou prohibicións que regulen as ditas regulamentacións específicas sancionanse de acordo co establecido na Lei 4/1997, do 25 de xuño, de caza de Galicia.
Artigo 18º.- Réximes especiais por especies
1. Caza menor:
a) Arcea (Scolopax rusticola) e agacha (Gallinago gallinago): poderá prolongarse o período hábil de caza para esta especie ata o día 6 de febreiro do 2000, agás nos concellos das bisbarras da Mariña da provincia de Lugo e das mariñas da provincia da Coruña que se relacionan no anexo IV desta orde, nas que se prolonga ata o 13 de febreiro do ano 2000, en terreos cinexéticos de réxime especial logo de solicitude acompañada dun plan de aproveitamento cinexético aprobado.
b) Charrela (Perdix perdix): queda prohibida a súa caza.
c) Lebre (Lepus granatensis): só se autorizará a súa caza, no período hábil establecido con carácter xeral para a caza menor en terreos de réxime cinexético especial, logo de autorización expresa do Servicio Provincial de Medio Ambiente Natural, e despois da presentación dun plan técnico de caza.
d) Raposo (Vulpes vulpes): no período hábil de caza menor pódese cazar nas distintas modalidades de caza menor. Entre o 6 de xaneiro do 2000 e o 30 de xaneiro do 2000 só poderá cazarse na modalidade de gancho, segundo o establecido no artigo 9º.2 desta orde.
e) Paspallás (Coturnix coturnix): só se autorizará a súa caza en coutos da antiga lagoa de Antela nos concellos que se relacionan no anexo V desta orde, entre o 21 de agosto do 1999 e o 12 de setembro do 1999, os sábados e domingos, cun máximo de 12 cazadores por xornada de caza e un máximo de 4 cazadores por cuadrilla, logo de autorización expresa polo Servicio de Medio Ambiente Natural de Ourense, despois da presentación dun plan técnico de caza que ten que incluír un censo da especie, un cálculo do número de capturas totais e o seu reparto por xornada de caza, un cuartel máximo por couto cunha superficie máxima de 1.000 ha, sinalizado para o efecto. Os coutos deben estar dotados de vixilancia.
2. Caza maior:
a) Corzo (Capreolus capreolus): o período hábil estenderase desde o 5 de setembro de 1999 ata o 10 de outubro de 1999, e poderase cazar nas modalidades de gancho ou montería, en terreos de réxime cinexético especial e cando exista un plan técnico de aproveitamento aprobado desta especie; só se poderá cazar machos maiores de tres anos de idade. Os días hábiles para a caza desta especie serán os sábados, domingos e festivos, nas tres provincias, agás Pontevedra onde continúa vedada. A autorización da Xefatura Provincial de Medio Ambiente Natural fixará o número de pezas máximo que se poderá abater. O número de permisos que se expidan para os coutos corresponderá, como máximo, a un por cada 250 ha de terreo acoutado.
Os axexos autorízanse de acordo co establecido no artigo 13º desta orde, desde o 1 de maio do 2000 ata o 31 de xullo do 2000.
f) Xabaril (Sus scrofa): o período hábil estenderase desde o 5 de setembro de 1999 ata o 6 de xaneiro do 2000.
En terreos de aproveitamento cinexético común só poderá cazarse os sábados e na modalidade de gancho ou montería, autorizada segundo establecido no artigo 13º desta orde.
En terreos de réxime cinexético especial de caza maior ou menor con aproveitamento complementario de caza maior, poderá cazarse na modalidade de gancho ou montería, os xoves, sábados, domingos e festivos, autorizada segundo o establecido no artigo 13º desta orde, entre o 5 de setembro de 1999 ata o 6 de xaneiro do 2000.
Poderase cazar durante a celebración das cacerías de corzo, e baixo a responsabilidade da sociedade titular do acoutado, quen terá que comunicar ó Servicio Provincial de Medio Ambiente Natural os resultados das pezas abatidas desta especie nun prazo máximo de 15 días despois da súa celebración.
Por danos e en prevención destes, desde o 6 de xaneiro ata o 30 de xaneiro do 2000, poderase cazar nas modalidades de gancho e montería, os sábados e domingos, autorizado segundo o establecido no artigo 15º desta orde.
g) Cervo, gamo e muflón (Cervus elaphus, Dama dama e Ovis ammon musimon): autorízase a súa caza dentro do período hábil con carácter xeral en terreos cinexéticos de réxime especial, con permiso especial dos servicios provinciais de Medio Ambiente Natural, derivado da presentación dun plan de aproveitamento cinexético.
Artigo 19º.-Terreos nos que se prohibe o exercicio da caza.
1. A Coruña:
a) Queda prohibido o exercicio de toda clase de caza no parque natural do complexo dunar de Corrubedo e lagoas de Carregal e Vixán, no termo municipal de Ribeira. A delimitación desta zona é a seguinte:
-N: vila de Corrubedo e estrada de acceso a esta desde Artes.
-S: camiño que une a parroquia de Vilar con Liboi ata punta Corbeiro.
-E:camiño que comunica as parroquias de Artes e Vilar.
-O:océano Atlántico.
b) Queda prohibido o exercicio de toda clase de caza na zona costeira occidental atlántica do termo municipal de Muros. A delimitación desta zona, denominada Lagoa de Louro, é a seguinte: camiño público que desde O Ancoradoiro sae ó km 6,5 da estrada C-550 de Cee a Muros; segue por esta estrada
ó longo de 200 metros para continuar polo límite do monte Naraio e Tixia e polo carreiro a través deste, ata alcanza-la C-550 pasando polo caserío da Madanela, 80 metros ó longo desta ata o comezo do chamado camiño do monte Louro, límite deste monte entre o camiño e o mar; liña de costa ó longo da praia de Louro ata o porto do Ancoradoiro e desde aquí, en liña recta, ata o punto de partida.
c) Queda prohibido o exercicio de toda clase de caza nas illas Sisargas.
d) Queda prohibido o exercicio de toda clase de caza na zona costeira occidental atlántica do termo municipal de Porto do Son. A delimitación desta zona denominada Lagoas de Xuño e San Pedro de Muro é a seguinte: río Sieira desde a súa foz no océano Atlantico, río arriba, ata a estrada de Noia a Ribeira (km 52,3). Desde este punto ata a encrucillada da estrada de Seráns, pasando por San Pedro de Muro, ata a antiga telleira. Desde aquí seguindo o camiño que chega ata a punta do cabo Teira séguese pola liña de costa ata a foz do río Sieira.
e) Queda prohibido o exercicio de toda clase de caza na zona costeira occidental atlántica do concello de Ferrol, denominada Lagoa de Doniños. A delimitación desta zona é a seguinte: polo norte, partindo da liña de costa séguese a liña que separa os terreos de uso militar, ata chegar á encrucillada da estrada que vai a Curros e Fontemaior; desde esta encrucillada de estradas séguese pola estrada de Fonta ata chegar á punta Penencia na costa e desde aquí, pola liña de costa, ata a liña de terreos de uso militar.
f) Queda prohibido o exercicio de toda clase de caza na zona da Lagoa de Frouxeira, no concello de Valdoviño. A delimitación desta zona é a seguinte: polo norte desde a punta Frouxeira, ó longo do areal ou praia de Frouxeira, poa liña de costa ata a liña recta imaxinaria trazada desde a illa Percebeleira ata a estrada que desde a Porta do Sol, en Valdoviño, termina na praia. Seguindo por esta estrada ata a estrada de Ferrol a Cedeira e por esta ata o seu cruzamento coa de Ferrol a Valdoviño ata Canto do Muro, pola estrada local de Frouxeira ata a punta Frouxeira.
g) Queda prohibido o exercicio de toda clase de caza na zona do monte San Xurxo, no concello de Ferrol. A delimitación desta zona é a seguinte: N e O co océano Atlántico, ó leste con predios particulares na demarcación parroquial de San Xurxo na que está situado o monte, ó sur con predios particulares e o océano Atlántico.
h) Queda prohibido o exercicio de toda clase de caza na zona do monte Brión, no concello de Ferrol. A delimitación desta zona é a seguinte: polo norte e oeste, demarcación parroquial de Doniños, ó leste, con propiedades particulares da parroquia de Brión, ó sur con propiedades particulares e océano Atlántico.
i) Queda prohibido o exercicio de toda clase de caza no encoro de Cecebre. A delimitación desta zona é a seguinte:
-N: desde a presa seguindo pola estrada que une o apeadoiro de Cecebre con San Román, atravesando
os lugares de Seixurra e San Román, ata o cruzamento coa autoestrada do Atlántico.
-L: seguindo a autoestrada ata o km 17 e continuando por unha pista en terra de servidume daquela ata rematar na presa de formigón sobre o río Mero.
-S: desde o punto anterior seguindo a marxe dereita do río Mero ata a ponte, e continuando pola estrada entre os lugares de Torre, Covelo, Agrolongo e Horto de Arriba ata o viaducto do río Barcés, a marxe dereita da cal segue ata o lugar de Táboas, na estrada de Mabegondo a Carral.
-O: seguindo a marxe esquerda do río Barcés ata o viaducto e continuando pola estrada ata a presa do encoro.
j) Queda prohibido o exercicio de toda clase de caza no encoro de Sabón. A súa delimitación é a seguinte: desde a presa do encoro contigua á central térmica de Sabón pola estrada de servicio do polígono industrial, deixando o encoro a man esquerda ata o cruzamento da estrada da Coruña a Fisterra. Desde este punto, e seguindo a estrada de servicio do polígono, ata as instalacións industriais de Silicios de Sabón, S.A. e presa.
k) Queda prohibido o exercicio de toda clase de caza na lagoa de Millares e Eirexanova e nas súas marxes, no termo municipal de Sobrado.
l) Queda prohibido o exercicio de toda clase de caza nas brañas de Sada: termo municipal de Sada, parroquia de Sada. Coordenadas: lonxitude 8º 15' W, latitude 43º 21' N.
ll) Queda prohibido o exercicio da caza na lagoa de Mera: termo municipal de Oleiros, parroquia de Mera. Coordenadas: lonxitude 8º 20' W, latitude 43º 22' 40''.
m) Queda prohibido o exercicio de toda clase de caza na ría de Ortigueira e Ladrido como consecuencia de ser incluída polo Consello de Ministros como zona húmida do Convenio de Ramsar, en tódalas auguas, zonas de seguridade e zonas marítimo-terrestres aprobadas por orde do Ministerio de Obras Públicas e Transportes (Dirección Xeral de Portos e Costas) do 29-9-1970, 4-6-1974, 19-12-1975, 17-5-1978.
n) Queda prohibido o exercicio de toda clase de caza no encoro da Ribeira, termo municipal das Pontes de García Rodríguez. A delimitación desta zona é a seguinte:
-N: marxe do encoro e límite do couto C-10.121 ata 200 m da confluencia do regato Brandián.
-L: bordeando o predio Cabalar a 200 m do cercado e continuando pola marxe dereita do río Eume ata a área recreativa de Caneiro.
-S: desde a área recreativa de Caneiro seguindo o camiño ou pista cara ás Pontes de García Rodríguez ata a confluencia do camiño que baixa ó complexo recreativo de Vilarbó, seguindo este camiño ata as ditas instalacións e despois continuando pola marxe esquerda do encoro, respectando os 200 m de influencia, ata a presa.
-O: desde a presa seguindo a marxe do encoro en Cuíña, Vilarnovo e Maraxón ata pecha-lo perímetro.
ñ) Queda prohibido o exercicio de toda clase de caza na ría de Ferrol desde a ponte das Pías ata a desembocadura do Xubia en ámbalas marxes.
o) Queda prohibido o exercicio de toda clase de caza nas marismas de Baldaio, nos seguintes límites:
-N: océano Atlántico
-S: o camiño desde Rebordelos a Santa Mariña, pasando pola Igrexa, Castrillón, Outeiro, Cambre e Arnados.
-L: o camiño desde a praia Pedra do Sal ata Rebordelos.
-O: o camiño desde Santa Mariña á punta do Pazo.
p) Queda prohibido o exercicio de toda clase de caza na enseada de Insua, en Ponteceso, nos seguintes límites:
-N: o camiño local de punta Balarés a Cospindo, continuando pola estrada de Corme ata Ponteceso, estrada de Ponteceso a Buño.
-S: estrada de Ponteceso a Laxe, ata o lugar de Canduas.
-L: o camiño que vai desde a estrada de Ponteceso a Buño ata o río Anllóns, continuando por este, ata Anllóns de Arriba.
-O: a liña que une Canduas, punta Padrón e punta Balarés.
q) Queda prohibido o exercicio de toda clase de caza nas augas, marxes e zonas de servidume da lagoa de Sobrado.
r) Queda prohibido o exercicio de toda clase de caza na lagoa de Traba, nos seguintes límites:
-N: océano Atlántico.
-L: desde punta Arnao polo camiño que une Boaño con Felgueiras e Cernado.
-O: co camiño que une Cernado con Mordomo, e desde aquí ata punta Traba seguindo polo camiño.
s) Queda prohibido o exercicio de toda clase de caza nas augas, marxes e zonas de servidume do encoro de Fervenzas do Xallas.
t) Queda prohibido o exercicio de toda clase de caza nas marismas de Betanzos ata a altura do Pazo de Mariñán.
u) Queda prohibido o exercicio de toda clase de caza na estación cinexética de Cerqueiros en Monfero.
v) Queda prohibido o exercicio de toda clase de caza na marisma de Carnota na área incluída dentro do perímetro da masa de auga.
w) Queda prohibido o exercicio de toda clase de caza no encoro de Vilagudín, nos termos municipais de Cerceda, Ordes e Tordoia, na área incluída dentro
dos 200 metros da cota máxima do nivel de auga do encoro.
x) Queda prohibido o exercicio de toda clase de caza no encoro de Vilasenín, nos termos municipais de Cerceda e Ordes, na área incluída dentro dos 5 metros da cota máxima do nivel de auga do encoro.
O Servicio Provincial de Medio Ambiente Natural da Coruña sinalizará os límites territoriais que comprende a prohibición.
2. Lugo:
a) Queda prohibido o exercicio de toda clase de caza nas xunqueiras e ría do Eo; desde a ponte de Porto pola pista que pasa por Mión de Louteiro, ata a altura do km 4,700 da estrada de Vegadeo a Lugo, onde cruza o río Eo; desde este punto quilométrico segue pola citada estrada de Lugo a Vegadeo ata Porto de Abaixo, desde aquí e pola estrada nacional de Santander á Coruña ata Ribadeo, desde aquí pola estrada provincial ata Senra, desde aquí pola pista que chega á punta de costa denominada punta de Penas Brancas.
b) Queda prohibido o exercicio de toda clase de caza no monte propiedade da Comunidade Autónoma de Galicia denominado Fraga Vella, sito nos termos dos concellos de Abadín e Mondoñedo. A delimitación correspondente é a seguinte:
-N: monte de utilidade pública Tremoal e Fraga das Vigas, parroquia de Labrada, do concello de Abadín: Casarío dos Agros e río Fraga Vella.
-L: río Fraga Vella e monte de utilidade pública nº 46-B Braña e Toxiza, da parroquia de Mondoñedo e outras.
-S: monte de utilidade pública. nº 43 Coto da Cal, da parroquia de Romariz, do concello de Abadín.
-O: monte de utilidade pública nº 44 Tremoal e Fraga das Vigas, da parroquia de Labrada, do concello de Abadín.
c) Queda prohibido o exercicio de toda clase de caza nos terreos de Espiñeira e lagoa de Cospeito, do concello de Cospeito. A delimitación correspondente é a seguinte:
-N: termo do concello de Vilalba, ata o punto de cruzamento da estrada de Rábade a Montecelos por Cospeito, en Guisande.
-L: estrada de Rábade a Moncelos por Cospeito.
-S: estrada de Rábade a Montecelos por Cospeito, vila de Feira do Monte e estrada de Cospeito a Vilalba, ata a ponte de Sistallo.
-O: pista da ponte de Sistallo á casa de Angulo da Espiñeira, ata o límite co concello de Vilalba.
d) Queda prohibido o exercicio de toda clase de caza nos terreos do monte de Veral, propiedade da Comunidade Autónoma de Galicia, parroquia do Veral, concello de Lugo. A delimitación correspondente é a seguinte:
-N: estrada de Lugo a Friol e río Mera.
-L: propiedades particulares da parroquia de San Xoán do Alto.
-S: propiedades de veciños de San Xoán do Alto e camiño de Avelaidas.
-O: río Mera, monte da parroquia do Veral, e propiedades dos veciños do Veral.
e) Queda prohibido o exercicio de toda clase de caza no monte Paramedela no concello da Pobra de Brollón. A delimitación correspondente é a seguinte:
-N: monte de Salcedo a Bairán.
-L: monte de Salcedo a Bairán.
-S: monte de Salcedo a Bairán e río Lor, concello de Quiroga.
-O: monte de Salcedo e Bairán e río Loureiro.
f) Queda prohibido o exercicio de toda clase de caza no monte Bibei, concello de Quiroga. A delimitación correspondente é a seguinte:
-N: monte da Enciñeira.
-L: provincia de Ourense, monte comunal e propiedades particulares.
-S: provincia de Ourense.
-O: río Bibei, propiedades particulares, regato de Cavados e estrada de Ourense a Ponferrada.
g) Queda prohibido o exercicio da caza na Devesa de Rogueira, sito en Moreda-O Courel, coa seguinte delimitación:
-N: monte e prados en Moreda.
-L: monte de Moreda e de Vieña, ata o pico de Formigueiros.
-S: termo municipal de Quiroga ata Corga de Mosa e monte de Ferreiros ata pico Polín.
-O: monte de Parada.
h) Queda prohibido o exercicio de toda clase de caza na ría de Foz, nos límites territoriais que se sinalan a continuación:
-N: boca da ría desde punta do Cabo ata punta de San Bartolomeu.
-L: desde o punto anterior pola beira leste da praia de Altar ó de Tupido, estrada de Viladaide e Aspera e camiño á igrexa de San Cosme de Barreiros, estrada ó Vilar, ferrocarril Ferrol-Xixón ata o camiño de dirección N-S á estrada comarcal 642 de Ferrol por Ortigueira.
-S: estrada C-642, a Espiñeira e ponte da Espiñeira.
-O: desde a ponte da Espiñeira, pola estrada C-642 ata Fondós, baixada á punta de Malatel e beira da ría ata punta do Cabo.
i) Queda prohibido o exercicio de toda clase de caza na veiga de Pumar, concello de Castro de Rei. A delimitación correspondente é a seguinte:
-N: termo municipal de Cospeito, pola estrada de Rocelle a Porto do Monte e en liña recta ó porto de Boraño, no río Miño.
-L: río Miño ata 200 metros augas abaixo da desembocadura do regato de Pumar, na presa de Oroxe, leiras particulares ata o cruzamento da estrada de Xustas a Oroxe.
-S: estrada de Oroxe a Almudia.
-O: estrada de Almudia a Arneiro ata o límite do termo municipal de Castro de Rei.
3. Ourense:
a) Queda prohibida a caza nas augas e marxes de dominio público do encoro das Conchas, nos termos municipais de Bande, Lobeira e Muíños.
b) Queda prohibida a caza nas augas e marxes de dominio público do encoro de San Martiño, nos termos municipais de Larouco, Petín e A Rúa.
c) Queda prohibida a caza nas augas e marxes de dominio público do encoro de Castrelo de Miño, nos termos municipais de Ribadavia, Castrelo de Miño e Cenlle, desde os lugares de Sanín e Oleiros ata o encoro.
d) Queda prohibido o exercicio de toda clase de caza no encoro do Lindoso nos termos municipais de Lobios, Entrimo.
e) Queda prohibido o exercicio de toda clase de caza no encoro de Salas nos termos municipais de Muíños e Calvos de Randín.
f) Queda prohibido o exercicio de toda clase de caza no Parque Natural do Invernadeiro, o termo municipal de Vilariño de Conso, de acordo co Decreto 155/1997, do 5 de xuño, polo que se declara os ditos terreos como parque natural.
g) Queda prohibido o exercicio de toda clase de caza no predio Salgueiros, no termo municipal de Muíños, pertencente ó parque natural da Baixa Limia-Serra do Xurés.
h) Queda prohibido o exercicio de toda clase de caza nas zonas de reserva integral do parque natural da Baixa Limia-Serra do Xurés, de acordo co Decreto 27/1993, do 11 de febreiro, no que se declaran como parque natural os citados terreos.
i) Queda prohibido o exercicio de toda clase de caza nos terreos incluídos na zona de influencia de explotación de áridos da comarca da Limia, termo municipal de Sandiás, de acordo co plano existente no plan de recuperación das areeiras da Limia, entre a pista norte, que bordea as explotacións de áridos e o río Limia.
j) Queda prohibido o exercicio da caza nos terreos que queden como aproveitamento cinexético común resultantes da segregación do couto de Viana do Bolo OR-10.079, que está en trámite.
k) Queda prohibido o exercicio da caza nos terreos que comprenden o predio da Edreira, no termo municipal de Laza.
4. Pontevedra:
a) Queda prohibido o exercicio de toda clase de caza no parque natural das illas Cíes e na illa de Ons.
b) Queda prohibido o exercicio de toda clase de caza nas augas mariñas, illotes e zona litoral de dominio público da enseada de San Simón, formada polo entrante da ría de Vigo ata a ponte de Rande, sobre o estreito de Rande.
c) Queda prohibido o exercicio de toda clase de caza nas augas mariñas, illotes e zona litoral de dominio público así como a zona marítima do complexo intermareal de Umia-O Grove-A Lanzada-Punta Bodeira, como consecuencia de que foi declarada polo Consello de Ministros como zona húmida incluída no Convenio Internacional de Ramsar.
d) Queda prohibido o exercicio de toda clase de caza nas zonas norte e sur das Gándaras de Budiño, sitas no concello do Porriño:
-N: estrada que parte da estrada N-550 en dirección Santo André.
-S: estrada que parte da N-550 en dirección Madanela.
-L: N-550 e estrada de acceso ó polígono das Gándaras.
-O: a división entre a vexetación da zona húmida e os piñeiros, matogueira e terras de cultivo. Camiño que parte da estrada que marca o límite norte e que atravesa Centeáns, Quintela, e chega ata Madanela.
e) Queda prohibido o exercicio de toda clase de caza no encoro de Pontillón do Castro, sito no concello de Pontevedra e cunha superficie de 31,5 ha delimitadas polos seguintes lindeiros:
-N: pista forestal contigua ó encoro.
-L: pista forestal contigua ó encoro que continúa á anterior.
-S: estrada comarcal de Pontevedra ó encoro, desde a confluencia coa pista anterior ata o dique daquel.
-O: liña imaxinaria paralela ó límite dos terreos propiedade do Concello de Pontevedra, a unha distancia de 250 m que parte do dique do encoro.
f) Queda prohibido o exercicio de toda clase de caza na zona sur da Illa de Arousa, denominada punta de Carreirón, cos seguintes límites:
-N: enseada da Brava e praia de Salinas.
-L: liña de costa.
-S: liña de costa.
-O: liña de costa.
g) Queda prohibido o exercicio de toda clase de caza na zona denominada Baixo Miño e illa Canosa, cos seguintes límites:
-N: pola pista que delimita o piñeiral da praia de Camposancos, segue pola faixa aberta polo tendido eléctrico de alta tensión, segue ata o campo de deportes, continúa por toda a zona húmida, desde a pista que sae de Pasaxe ata a ponte do río Tamuxe.
-E: río Tamuxe.
-S: río Miño.
-O: océano Atlántico e punta de Santa Tegra.
h) Illa Canosa e Morraceira do Grilo en toda a súa extensión.
i) Queda prohibido o exercicio de toda clase de caza no parque natural del Monte Aloia, en Tui.
j) Queda prohibido o exercicio de toda clase de caza na zona do Val Miñor, cos seguintes límites:
-N: estrada PO-340, desde a desviación para Mañufe ata monte Lourido.
-S: estrada de Mañufe á ermida Sta. Marta.
-L: estrada e ponte desde Mañufe á estrada PO-340.
-O: zona marítima desde a ermida de Santa Marta ata os illotes de Garza e monte Lourido.
k) Queda prohibido o exercicio de toda clase de caza na Xunqueira de Alba, no termo municipal de Pontevedra, cos seguintes límites:
-N: pista de Ponte Cabras ata a autoestrada A-9.
-S: río Lérez.
-L: pista desde as Corrientes pasando pola ponte do Maxeiro, Rúa da Gándar, ata ponte das Cabras.
-O: autoestrada A-9.
TÍTULO VI
Infaccións e réxime sancionador
Artigo 20º
Encoméndase a tódalas autoridades que estimulen o celo dos axentes as súas ordes para a mellor e máis exacta vixilancia e control de canto se preceptúa na presente orde.
Artigo 21º
A práctica da caza fóra dos períodos hábiles de alcance xeral ou provincial, así como en días ou terreos non autorizados, constitúe unha infracción administrativa de carácter grave especificada no artigo 58.1º da Lei 4/1997, do 25 de xuño, de caza, de Galicia e será sancionada conforme o indicado nela.
Artigo 22º
A acción de cazar especies animais ou pezas non autorizadas ou aquelas que se encontren sometidas a veda temporal nalgún ámbito territorial, segundo o exposto nos artigos 2º, e 18º desta orde, será considerada unha infracción administrativa grave, de acordo co establecido no artigo 58 da Lei 4/1997, do 25 de xuño, de caza, de Galicia, e será sancionada conforme o indicado nela.
Artigo 23º
O emprego de procedementos de caza de alcance masivo e non autorizados e igualmente a súa posesión en disposición de seren empregados é unha infracción conforme o establecido nos artigos 34 a) e 38.13º da Lei 4/1989 e a súa cualificación axustarase ó que neles se estipula, e sancionarase de acordo co establecido no artigo 39 da mesma disposición legal. O uso de armas prohibidas ou outros medios proscritos constitúe unha infracción de carácter grave ou moi grave, se é o caso, segundo o establecido nos artigos 58 e 59 da Lei 4/1997, do 25 de xuño, de caza, de Galicia, sen prexuízo de que poida dar orixe a accións de carácter penal.
Artigo 24º
O incumprimento de calquera das estipulacións referidas á caza en terreos de aproveitamento cinexético común que os artigos 8º, 9º e 13º da presente orde conteñen, referidas á cota de pezas diaria e tamaño máximo de grupos ou cuadrillas de cazadores, constitúe unha infracción grave sancionable de acordo co artigo 58.17º da Lei 4/1997, do 25 de xuño, de caza, de Galicia.
Artigo 25º
A posesión, transporte ou comercio de pezas de caza ou da súa carne durante a respectiva época de veda ou daquelas especies silvestres non comercializables, así como o intercambio mercantil de espécimes ou os seus restos procedentes de explotacións industriais, a orixe das cales non estea inequivocamente acreditada, constitúe unha infracción cualificable e sancionable de acordo co establecido no artigo 6 do Real decreto 1118/1989, do 15 de setembro, e co establecido nos artigos 57.32º e 57.34º da Lei 4/1997, de caza, de Galicia.
A adquisición e solta non autorizada de animais vivos de carácter cinexético en calquera tipo de terreo infrinxe o establecido no artigo 34 e) da Lei 4/1989, así como os artigos 31 e 58.11º da Lei 4/1997, do 25 de xuño, de caza de Galicia, polo que se sancionará de acordo coas prescricións establecidas nesta lei.
Artigo 26º
A transgresión de calquera das condicións fixadas polos artigos 10º e 11º desta orde para exercer algunha das actividades de adestramento e competicións de cans supón a comisión duhna infracción de carácter leve, segundo o establecido nos puntos 10º, 11º, 12º e 13º do artigo 57 da Lei 4/1997, do 25 de xuño, de caza, de Galicia.
Artigo 27º
A acción de cazar en terreos sometidos a réxime cinexético especial, aínda cando non se cobrara nin
gunha peza, sen estar en posesión do correspondente permiso, é unha infracción de carácter grave de acordo co establecido no artigo 58.27º da Lei 4/1997, do 25 de xuño, de caza, de Galicia.
Artigo 28º
Ademais de satisface-las sancións penais e económicas que pola correspondente vía xudicial ou administrativa se determinen en cada caso, se o feito infractor implica a morte ou captura irreparable dalgún animal, deberá afrontarse ademais a correspondente indemnización, que será fixada de acordo coa orde da Consellería de Agricultura, Gandería e Montes do 10 de setembro de 1985 sobre baremos de valoración dos espécimes de fauna silvestre ilegalmente cobrados no territorio galego, ou ben as posteriores actualizacións das contías económicas recollidas nela que poidan producirse.
Disposición derradeira
Primeira.-Facúltase o director xeral de Montes e Medio Ambiente Natural para dicta-las normas necesarias para o desenvolvemento e aplicación da presente orde.
Segunda.-Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 13 de agosto de 1999.
José Carlos del Álamo Jiménez
Conselleiro de Medio Ambiente
ANEXO I
Relación de especies que se poden cazar na Comunidad Autónoma de Galicia
Aves:
Anas crecca: cerceta común
Anas plathyrhynchos: pato real
Anas acuta: pato rabilongo
Anas clypeata: pato cullerete
Aythya ferina: parrulo chupón
Aythya fuligula: parrulo cristado
Alectoris rufa: perdiz rubia
Perdix perdix: perdiz charrela
Coturnix coturnix: paspallás
Phasianus colchicus: faisán común
Fulica atra: galiñola negra
Vanellus vanellus: avefría
Scolopax rusticola: arcea
Gallinago gallinago: agacha
Larus ridibundus: gaivota chorona
Larus fuscus: gaivota escura
Larus argentatus: gaivota clara
Columba livia: pomba brava
Columba oenas: pomba zura
Columba palumbus: pombo torcaz
Streptopelia turtur: rula común
Streptopelia decaocto: rula turca
Turdus pilaris: tordo real
Turdus philomenos: tordo común
Turdus iliacus: tordo malvís
Turdus viscivorus: tordo charlo
Sturnus vulgaris: estorniño pinto
Pica pica: pega rabilonga
Corvus monedula: corvo cereixeiro
Corvus corone: corvo viaraz
Mamíferos:
Lepus granatensis: lebre
Oryctolagus cuniculus: coello
Canis lupus: lobo
Vulpes vulpes: raposo
Sus scrofa: xabaril
Capreolus capreolus: corzo
Cervus elaphus: cervo
Dama dama: gamo
Ovis ammon musimon: muflón
ANEXO II
Relación de métodos ou medios de captura prohibidos con carácter xeral
1. Lazos, trampas, garamelos, costelas, buíces, nasas ou esparrelas.
2. Todo tipo de métodos ou medios que impliquen o uso de visgo, como o arbolillo, as varetas, as rametas, as barracas ou paranys.
3. Chamarices de animais vivos, mortos ou naturalizados de perdices femias e doutros chamarices vivos cegados ou mutilados. Todo tipo de engados eléctricos ou mecánicos.
4. Aparellos electrocutantes ou paralizantes. Cebos, gases ou substancias velenosas, paralizantes, tranquilizantes atraentes ou repelentes. Productos para crear rastros de olor, explosivos, anzois e arames.
5. Faros, lanternas ou outros aparellos luminosos, e visores que permitan o tiro nocturno.
6. Todo tipo de redes ou de artefactos que requiran para o seu funcionamento o uso de mallas, como as redes abatibles, as redes-néboa ou verticais e as redes-canón.
7. Armas que disparen en refachos, armas automáticas ou semiautomáticas con cargador que poida conter máis de dous cartuchos. Armas de aire comprimido así como as dotadas de silenciador, ou de visor para o disparo nocturno. Armas de fogo de calibre 22 e outra munición non autorizada.
8. Canóns pateiros.
9. Furóns.
10. Aves de cetrería.
11. Avións ou vehículos motorizados ou calquera tipo de aeronaves.
12. Embarcacións propulsadas por motor o sen el, como lugar desde onde se realizan disparos, así como vehículos terrestres motorizados.
ANEXO III
Relación de especies cazables comercializables no territorio da Comunidade Autónoma de Galicia
Aves:
Anas plathyrhynchos: pato real
Alectoris rufa: perdiz rubia
Phasianus colchicus: faisán
Columba palumbus: pombo torcaz
Columba oenas: pomba zura (1)
Coturnix coturnix: paspallás (1)
Mamíferos:
Lepus granatensis: lebre
Oryctolagus cuniculus: coello
Vulpes vulpes: raposo
Sus scrofa: xabaril
Cervus elaphus: cervo
Capreolus capreolus: corzo
Dama dama: gamo
Ovis ammon musimon: muflón (*)
(1) Só os exemplares procedentes de explotacións industriais.
(*) Especie incluída no convenio de Washington.
ANEXO IV
Concellos da provincia da Coruña que abranguen a bisbarra das Mariñas
Mañón
Ortigueira
Valdoviño
Ferrol
Neda
Narón
Fene
Moeche
San Sadurniño
Cedeira
Cariño
Cerdido
As Somozas
Cabanas
Pontedeume
A Capela
Mugardos
Ares
Concellos da provincia de Lugo que abranguen a bisbarra da Mariña
Burela
Cervo
Muras
Ourol
O Vicedo
Viveiro
Xove
Alfoz
Foz
Lourenzá
Mondoñedo
O Valadouro
Abadín
Barreiros
Ribadeo
Riotorto
A Pontenova
Trabada
ANEXO V
Concellos da provincia de Ourense que abranguen a antiga lagoa de Antela
Rairiz de Veiga
Vilar de Santos
Sandiás
Vilar de Barrio
Sarreaus
Xinzo de Limia
Trasmiras
Porqueira
Xunqueira de Ambía
