No BOP de Pontevedra nº 127, do 6 dos correntes, publicáronse as bases, aprobadas polo Pleno deste Concello en sesión do 23 de abril de 1999, para a provisión de prazas vacantes incluídas na oferta de emprego público de 1998.

As prazas que se convocan son as seguintes:

a) Persoal funcionario.

Dúas prazas de garda da policía local mediante oposición libre.

b) Persoal laboral.

Unha praza de animador socio-cultural.

Unha praza de operario de obras e servicios.

Unha praza de oficial albanel.

Unha praza de chofer.

As catro prazas citadas de persoal laboral convócanse mediante concurso-oposición libre.

As solicitudes presentaranse no rexistro xeral do Concello do Porriño (rúa Antonio Palacios, 1) durante o prazo de vinte días naturais, contados desde a publicación deste anuncio no Boletín Oficial del Estado. Tamén poderán presentarse na forma que determina o artigo 38 da Lei 30/1992. Nos casos de concurso-oposición, á solicitude deben unirse os xustificantes dos méritos que se aleguen.

Os sucesivos anuncios relativos a esta convocatoria publicaranse exclusivamente no taboleiro de edictos deste concello e no BOP de Pontevedra, cando proceda, de acordo coas bases da convocatoria.

O Porriño, 23 de xullo de 1999.

José Manuel Barros González

Alcalde