1. Autorización administrativa. Para os efectos previstos no artigo 9 do Decreto 2617/1966, do 20 de outubro, de autorización de instalacións eléctricas, e artigo 13 do Decreto 205/1995, do 6 de xullo, polo que se regula o aproveitamento de enerxía eólica na Comunidade Autónoma de Galicia, sométese a información pública a solicitude de autorización administrativa para a construcción das instalacións que inclúe o proxecto de execución de referencia, coas características básicas que se reflicten a continuación:

a) Peticionario: Iberdrola Diversificación, S.A.

b) Enderezo social: r/ Iparaguirre nº 6 - 12 Bilbao (Biscaia).

c) Denominación: Parque Eólico de Meda.

d) Situación: concellos de Parada de Sil, Montederramo e Xunqueira de Espadanedo (Ourense).

e) Finalidade: producción e transporte de enerxía eléctrica a partir da enerxía eólica.

f) Características técnicas básicas:

-Conxunto de 18 aeroxeradores de 660 kW/u, que suman unha potencia instalada de 11,88 mW e unha producción bruta total de 32.266 mWh/ano.

-Interconexión dos aeroxeradores con dous circuítos eléctricos subterráneos a 20 kV, de 4,62 mW (aeroxeradores 1 ó 7) e 7,92 mW (Aerox. 8 ó 18).

-C.T. que se instalará en cada aeroxerador de 800 kVA de potencia e R/T 0,690/20 kV, cos elementos de protección e auxiliares necesarios.

-Subestación transformadora e liña de alta tensión, quedan fóra do presente proxecto por estaren incluídas dentro do proxecto do Parque Eólico do Sil.

-Sistemas de control e supervisión.

g) Orzamento: 1.384.683.923 ptas.

2. Urxente ocupación. O peticionario, ó abeiro do título IX da Lei 54/1997, do 27 de novembro, do sector eléctrico solicita, así mesmo, a declaración de utilidade pública das instalacións o que, segundo o sinalado no artigo 54 daquela, levará implícito en todo caso a necesidade de ocupación dos bens ou de adquisición dos dereitos afectados -os cales se describen na relación adxunta- e implicará a urxente ocupación para os efectos do artigo 52 da Lei de expropiación forzosa; iso segundo o procedemento establecido polos artigos 10, 16 e 31.5º do Decreto 2619/1966, do 20 de outubro, polo que se aproba o regulamento da Lei sobre expropiación forzosa e sancións en materia de instalacións eléctricas, de aplicación ó expediente polo sinalado na disposición transitoria primeira da citada Lei 54/1997.

3. Efectos ambientais. O estudio de efectos ambientais do parque eólico sométese a información pública en aplicación do artigo 2.4º do Decreto 327/1991, do 4 de outubro, de avaliación de efectos ambientais para Galicia, e pode ser examinado nas dependencias seguintes: Dirección Xeral de Industria, Dirección Xeral de Calidade e Avaliación Ambiental; delegacións provinciais en Ourense das consellerías de Industria e Comercio e Medio Ambiente e nos concellos afectados.

4. Alegacións. A presente resolución sométese a información pública para coñecemento xeral e dos propietarios afectados, así como das persoas que sendo titulares de dereitos reais ou intereses económicos afectados foran omitidos, para que poidan examina-lo expediente nas oficinas desta delegación provincial, rúa Curros Enríquez nº 1, 4º de Ourense, e presentar, de se-lo caso, as alegacións que sexan oportunas no prazo de trinta días, contados a partir da última publicación deste anuncio.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación, con traslado ó Ministerio Fiscal das dilixencias que se produzan.

Ourense, 12 de xullo de 1999.

Alfredo Cacharro Pardo

Delegado provincial de Ourense

Relación de bens e dereitos afectados

Parque Eólico de Meda

Termo municipal de Montederramo (Ourense)

Relación de bens e dereitos afectados

Parque Eólico de Meda

Termo municipal de Xunqueira de Espadanedo (Ourense)

Relación de bens e dereitos afectados

Parque Eólico de Meda

Termo municipal de Parada de Sil (Ourense)