A Comisión de Goberno, en sesión con data do 6 de agosto de 1999, aprobou o prego de cláusulas administrativas particulares e o expediente de contratación mediante concurso, con procedemento aberto e urxente, para a adxudicación das obras incluídas no Plan Fondo de Cooperación Local 1999.
Durante o prazo de catro días, contados a partir do seguinte ó da última publicación desta anuncio no BOP ou DOG, queda exposto ó público na secretaría do concello o referido prego para os efectos de presentar reclamacións; anúnciase simultaneamente a licitación, de conformidade co disposto no artigo 122 do R.D. 781/1986, do 18 de abril, aínda que a licitación se aprazará no suposto de formularse reclamacións contra o dito prego.
Obxecto do contrato e tipo de licitación.
O obxecto do contrato é a execución das obras denominadas:
1. Vías e accesos a núcleos de poboación das parroquias de Bandoxa, Rodeiro, Reboredo e Salto.
Tipo de licitación: 4.523.655 pesetas.
2. Vías e accesos a núcleos de población das parroquias de Oza e Bandoxa.
Tipo de licitación: 4.790.153 pesetas.
Prazo de execución: catro (4) meses.
Garantía provisional: 2% do tipo de licitación.
Garantía definitiva: 4% do importe de adxudicación.
Lugar e prazo de presentación de proposicións: no rexistro xeral do concello, durante o prazo de 13 días naturais contados a partir do seguinte ó da última publicación deste anuncio no BOP ou DOG, en horas das 9 ás 13.
Apertura de proposicións: terá lugar ás 13 horas do terceiro día hábil seguinte (excepto sábados) a aquel no que remate o prazo de presentación de proposicións.
Modelo de proposicións e sobres: presentaranse de acordo cos modelos que se recollen no anexo II do prego de cláusulas administrativas particulares.
Documentación: as proposicións irán xunto coa documentación esixida na cláusula 12 do prego de cláusulas administrativas particulares aprobado para a contratación das mencionadas obras.
Oza dos Ríos, 7 de agosto de 1999.
José Ramón Peón Pérez
Alcalde