De conformidade co establecido no artigo 27.2º da Lei 4/1988, do 26 de maio, da función pública de Galicia, e no uso das atribucións conferidas polo artigo 15.4º da mesma lei, esta consellería
DISPÓN:
Primeiro.-Anuncia-la convocatoria para cubrir, polo sistema de libre designación, seis postos de traballo vacantes que se relacionan no anexo I desta orde.
Segundo.-Poderán concorrer a ela tódolos funcionarios que reúnan os requisitos que se esixen e se especifican no anexo I.
Terceiro.-As solicitudes para participar nesta convocatoria presentaranse no rexistro xeral da Consellería de Agricultura, Gandería e Política Agroalimentaria, nas súas delegacións provinciais ou en calquera das oficinas previstas no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro. O prazo para a presentación das solicitudes será de quince días hábiles, contados a partir do día seguinte ó da publicación desta orde no Diario Oficial de Galicia. O modelo de solicitude sinálase no anexo II.
Cuarto.-Os aspirantes deberán unir á súa solicitude un currículum vitae e xustificar mediante certificación ou copia compulsada os méritos que aleguen.
Quinto.-A resolución desta convocatoria farase pública no Diario Oficial de Galicia e poderanse declarar desertos os postos de traballo, de considerarse oportuno.
Sexto.-O prazo de toma de posesión será de tres días, se o destino anterior radica na mesma localidade có novo destino, e dun mes se radica en localidade distinta ou leva consigo o reingreso ó servicio activo.
O prazo de toma de posesión empezará a contarse a partir do día seguinte ó do cesamento, que deberá producirse dentro dos tres días seguintes ó da publicación no Diario Oficial de Galicia.
Se a resolución comporta o reingreso ó servicio activo, o prazo de toma de posesión empezará a contar a partir do día seguinte ó da publicación da resolución.
Sétimo.-Contra esta orde os interesados poderán interpoñer recurso potestativo de reposición ante esta consellería no prazo dun mes, ou recurso contecioso-administrativo ante o Xulgado do Contencioso-Administrativo no prazo de dous meses contados a partir do día seguinte ó da súa publicación no Diario Oficial de Galicia.
Santiago de Compostela, 4 de agosto de 1999.
Cástor Gago Álvarez
Conselleiro de Agricultura, Gandería
e Política Agroalimentaria
ANEXO I
do posto
Form. Espec.
Código do posto Nivel C. Espec. Grupo Corpo Denominación
Dependencia Localidade Titulac. Académ.
AG.C02.00.002.15770.005 28 1.703.640 A/B Xeral Xefe Servicio de Persoal e Réxime Interno S.C. de Persoal e Coordinación Administrativa Santiago de Compostela AG.C99.10.000.15001.080 28 1.703.640 A/B Xeral Secretario/a provincial Delegación provincial A Coruña AG.C99.10.000.15001.087 18 545.160 B/C/D Xeral Xefe Negociado Habilitación e Caixa Delegación provincial A Coruña AG.C99.10.000.15001.001 16 511.116 C/D Xeral Secretario/a delegado Delegación provincial A Coruña 001 AG.C99.10.000.36001.080 28 1.703.640 A/B Xeral Secretario/a provincial Delegación provincial Pontevedra
AG.C99.10.000.36001.001 16 511.116 C/D Xeral Secretario/a delegado Delegación provincial Pontevedra 001
ANEXO II
NOTA: úsese o publicado na páxina 10.291