Vista a solicitude para a autorización administrativa, recoñecemento de utilidade pública, coa relación concreta e individualizada dos bens e dereitos afectados pola expropiación, así como para a aprobación do proxecto de execución que se cita:
Solicitante: Unión Eléctrica-Fenosa, S.A.
Domicilio social: Avda. de Arteixo, 171, 15007 A Coruña.
Denominación: L.M.T., C.T. e R.B.T. de Arixón (Coristanco).
Liña eléctrica aérea a 20 kV cunha lonxitude de 1,316 km, con orixe no apoio s/n da L.M.T. ó C.T. da Rabadeira e final no C.T. proxectado Arixón. Liña de media tensión a 20 kV cunha lonxitude de 0,783 Km, con orixe no apoio nº 3 da L.M.T. ó C.T. de Vieite e final no C.T. proxectado de Figueiras. Liña de media tensión aérea a 20 kV cunha lonxitude de 0,138 km, con orixe no apoio nº 10 da L.M.T. ó C.T. de Pereiros e final no C.T. proxectado de Brenlla. Centro de transformación tipo intemperie Arixón, cunha potencia de 50 kVA e relación de transformación de 20.000/380-220 V. Centro de transformación tipo intemperie Figueiras, cunha potencia de 50 kVA e relación de transformación de 20.000/380-220 V. Centro de transformación tipo
intemperie Brenlla, cunha potencia de 100 kVA e relación de transformación de 20.000/380-220 V. Liña de baixa tensión aérea cunha lonxitude de 0,56 km, con orixe no C.T. proxectado de Arixón, conductor tipo R.Z. e apoios de formigón. Liña de baixa tensión aérea cunha lonxitude de 2,545 km, con orixe no C.T. da Rabadeira, conductor tipo R.Z. e apoios de formigón. Liña de baixa tensión aérea cunha lonxitude de 0,67 km, orixe no C.T. de Nogueira, conductor tipo R.Z. e apoios de formigón no termo municipal de Coristanco.
A petición someteuse a información pública, coa relación de propietarios, bens e dereitos afectados, que se publicaron no DOG do 8-2-1999, no BOP do 2-2-1999, no xornal El Correo Gallego do día 21-1-1999 e nos taboleiros de anuncios da Casa do Concello de Coristanco. Tamén foron notificados individualmente os interesados que figuran na devandita relación.
Esta delegación provincial comprobou que a liña, ó seu paso polos predios relacionados na información pública, non incorre en ningunha das prohibicións recollidas no artigo 57.A da Lei 54/1997, do 27 de novembro, do sector eléctrico (BOE do 28 de novembro), e no artigo 25 do Decreto 2619/1996, do 20 de outubro (BOE do 24 de outubro).
Vista a Lei 54/1997, do 27 de novembro, do sector eléctrico, os decretos 2617/1966 e 2619/1966, do 20 de outubro, sobre autorización e expropiación forzosa das instalacións eléctricas, e cumpridos os trámites regulamentarios establecidos, esta delegación provincial resolveu:
Autorizar e aproba-lo proxecto das citadas instalacións e declarar, en concreto, a súa utilidade pública, o que leva implícita a necesidade de ocupa-los bens ou de adquiri-los dereitos afectados e implica a urxente ocupación para os efectos do artigo 52 da Lei de expropiación forzosa.
Contra esta resolución pódese interpor recurso de alzada ante o conselleiro de Industria e Comercio no prazo dun mes, contado a partir do día seguinte ó da súa notificación. Tamén se pode interpor calquera outro recurso que se considere pertinente.
A Coruña, 5 de xullo de 1999.
Jesús Espada Martínez
Delegado provincial da Coruña