Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Sestelo y Cía. S.A.
Enderezo social: Gabino Bugallal, 44, 36860 Ponteareas.
Denominación: L.M.T., enlace da L.M.T. Xinzo con zona industrial.
Situación: Ponteareas.
Descricións técnicas: L.M.T., aérea, a 20 kV, de 1.462 m de lonxitude, con conductor tipo LA-110, sobre apoios metálicos, desde a L.M.T. Ponteareas-Xinzo na zona industrial, na granxa escola, ata as granxas estribadas, concellos de Ponteareas.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve,
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderá interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente o seu dereito.
Pontevedra, 28 de xuño de 1999.
Carmen Bianchi Valcarce
Delegada provincial de Pontevedra