A Dirección Xerencia do Complexo Hospitalario Arquitecto Marcide-Profesor Novoa Santos, en virtude das atribucións que lle foron delegadas conforme o establecido no artigo 7 da orde da Consellería de Sanidade e Servicios Sociais, do 21 de abril de 1998 (DOG nº 88, do 11 de maio), sobre delegación de competencias en órganos centrais e periféricos do Sergas, convoca o seguinte concurso público:
1. Entidade adxudicadora: Servicio Galego de Saúde, Complexo Hospitalario Arquitecto Marcide-Profesor Novoa Santos.
a) Dependencia que tramita o expediente: Servicio de Subministracións, unidade de contratación.
b) Número de expediente: CP 101/1999.
2. Obxecto da contratación.
a) Descrición do obxecto: servicio de realización de probas analíticas por laboratorio externo.
b) División en lotes: as empresas licitantes deberán oferta-lo seu catálogo de probas dispoñibles. Neste catálogo deberán estar incluídas, como mínimo, as probas relacionadas no anexo I dos PCAP.
3. Tramitación, procedemento e modalidade de adxudicación.
a) Tramitación: ordinaria.
b) Procedemento: aberto.
c) Modalidade: concurso.
4. Orzamento base de licitación: 19.900.000 ptas. (119.601,41 euros).
5. Garantías.
Provisional: 2% do orzamento de licitación: 398.000 ptas.
6. Obtención de documentación e información.
O prego de cláusulas administrativas particulares e demais documentación complementaria estarán de manifesto e á disposición dos concursantes para o seu exame no Servicio de Subministracións do Complexo Hospitalario Arquitecto Marcide-Profesor Novoa Santos, estrada de San Pedro, s/n, 15405 Ferrol (A Coruña). Teléfono 981 33 45 14. Fax 981 33 40 84.
7. Requisitos específicos do contratista.
Os licitadores deberán acredita-la súa solvencia económica e financeira, e técnica ou profesional de
acordo co establecido nos artigos 16 e 19 da Lei 13/1995, de contratos das administracións públicas.
8. Presentación das ofertas ou das solicitudes de participación.
a) Prazo límite de presentación: antes das 14 horas do vixésimo sexto día natural a partir do seguinte ó da publicación desta resolución no DOG.
b) Documentación que hai que presentar: a especificada no punto 8 do prego de cláusulas administrativas particulares.
c) Lugar de presentación: ve-lo punto 1, rexistro xeral.
d) Prazo durante o cal o licitador estará obrigado a mante-la súa oferta: 3 meses desde a data de apertura de proposicións.
e) Admisión de variantes: admitiranse mantendo, en todo caso, as condicións básicas establecidas nos PCAP e os seus anexos.
9. Apertura das proposicións.
Será realizada en acto público pola mesa de contratación, na sala de xuntas do citado complexo hospitalario, a partir das 10 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura terá lugar o día hábil seguinte.
10. Outras informacións.
Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax ou telegrama no mesmo día, de conformidade co artigo 100 do Regulamento xeral de contratación do Estado. Sen a concorrencia de ámbolos dous requisitos, non será admitida a proposición se é recibida polo órgano de contratación con posterioridade á data de terminación do prazo sinalado neste anuncio. Transcorridos, con todo, dez días naturais seguintes á indicada data sen ter recibido a mencionada proposición, esta non será admitida en ningún caso.
Os criterios que se seguirán para a adxudicación do contrato son os que se establecen no punto 10 e anexos dos pregos.
11. Gastos de anuncios: o importe do anuncio desta resolución na prensa e nos boletíns oficiais será por conta do adxudicatario.
Ferrol, 16 de xullo de 1999.
Pedro Molina Coll
Director xerente do Complexo Hospitalario
Arquitecto Marcide-Profesor Novoa Santos de Ferrol