O Concello Pleno, en sesión con data do 24 de maio de 1999, aprobou inicialmente o estudio de detalle que ten por finalidade establecer aliñacións e rasantes respecto a vía de nova apertura e rúa posterior en proxecto e reordenar volumes en terreo sito na rúa Eidos, segundo proxecto redactado polo arquitecto Alberto Cameselle Lago, promovido inicialmente por Jaime Serín Pérez, en representación de herdeiros de Isolina Figueroa Montero e outros, e actualmente instada a continuidade da tramitación do expediente por Lino Couñago Taibo en representación de Redondela Promociones Constructivas, S.L.
Queda o expediente á disposición de quen queira examinalo e deducir alegacións polo prazo dun mes, contado a partir do día seguinte ó de publicación deste anuncio no DOG.
Redondela, 22 de xuño de 1999.
Amado Ricón Virulegio
Alcalde